7 قاڭتار اقش-تا بىرنەشە جىلدان بەرى اينالىمعا ەنگىزۋگە دەيىنگى پروباتسيالىق پروتسەستە ءجۇرىپ جاتقان EHang 216 درون-تاكسيىن سىناقتان وتكىزۋ جوباسى ءساتتى ءوتتى. فەدەرالدى اۆياتسيا باسقارماسىنىڭ (FAA) رۇقساتىمەن پيلوتسىز باسقارىلاتىن تاكسي-ۇشاقتىڭ العاشقى ەرىكتى جولاۋشىلارى قاتارىنادا سولتۇستىك كارولينا شتاتىنىڭ گۋبەرناتورى روي كۋپەر بولدى.
رولي قالاسىنداعى كەزەكتى تەستىلەۋ كەزەڭىن تابىستى اياقتاعان ەرەكشە تاكسي ءتۇرىن دايىنداۋشى قىتايلىق EHang وندىرىستىك يننوۆاتسيا كومپانياسى. بۇعان دەيىن پاتەنت يەسى ەرەكشە اۋەتاكسيىن قىتاي مەن اۆستريادا دا ارنايى سىنامادان وتكىزگەن. الداعى جىلى اقش-تىڭ فەدەرالدى اۆياتسيا باسقارماسى (FAA) جاڭا اۋە تاكسيىن ازاماتتىق اۆياتسيا نارىعىنا ەنگىزۋدى قولعا الادى.
بولاشاق اۋە كولىگى. فوتو: EHang
اتالعان پيلوتسىز اۋە كولىگى كۆادروكوپتەر ۇلگىسىندە ازىرلەنىپتى. EHang 216 سەگىز جۇپ كواكسيالدى قاناتى مەن كورپۋستىڭ ورتالىق بولىگىندە جولاۋشىلار سالونى بار.
جالپى قۇرىلعى ەكى جولاۋشىنى ساعاتىنا 160 شاقىرىم جىلدامدىقپەن 80 شاقىرىمعا دەيىن تاسىمالداي الادى. ۇشقىشسىز تىكۇشاق-تاكسيدى 30 مينۋت ىشىندە تولىق زاريادتاۋعا بولادى دەسەدى.
EHang 216 نارىقتا جاپپاي قولدانىسقا 2025 جىلى شىعارۋ جوسپارلانعان. الدەن-اق جۇزدەگەن تاپسىرىس بەرىپ قويعان تىكۇشاق-تاكسي الدىمەن ازيادا پايدا بولماق. ءار EHang 216 درون-كولىگىنىڭ باعاسى 400 مىڭ دوللاردان تۇرادى. EHang تەك ەلەكتر قۋاتى قاعيداسىمەن 100% جاسىل تەحنولوگياعا نەگىزدەلگەن. كەلەسى ايدا قىتايدىڭ ازاماتتىق اۆياتسيا باعدارلاماسىندا ويداعىداي ىسكە اسسا، جازدان باستاپ اسپان استى ەلىندە كوممەرتسيالىق ماقساتتا ۇشىرىلا باستايدى.
كەلەكشەك تاكسيى ەۋروپا كورمەسىندە. فوتو: اشىق دەرەككوز
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟