اۋعانستاندا قىركۇيەكتە وتكەن پرەزيدەنتتىك سايلاۋدىڭ العاشقى رەسمي قورىتىندىسى بەلگىلى بولدى. سايلاۋدان سوڭ اشراف عاني مەن ابدۋللا ابدۋللا ەكەۋىنىڭ تەڭ تۇسكەنى جاريالانعان ەدى. ەكى ساياساتكەردىڭ كوپ جىلدار بويى باسەكەسىنە نۇكتە قويىلعان ءتارىزدى.
ۆۆس تاراتقان دەرەككە سايكەس، اۋعانستان سايلاۋ كوميسسياسىنىڭ توراعاسى حاۋا الام نۇريستاني ەل پرەزيدەنتى اشراف عانيدىڭ 50,6%-بەن جەڭىسكە جەتىپ، ەكىنشى سايلاۋ مانداتىن ساقتاپ قالعانىن مالىمدەدى.
ونىڭ نەگىزگى قارسىلاسى ەلدىڭ پرەمەر-ءمينيسترى ابدۋللا ابدۋللا 39,52% داۋىس العان.
سايلاۋعا قاتىسۋشى. 2019 جىلدىڭ قىركۇيەگى. اۋعانستان. فوتو: REUTERS
اسىلىندە سايلاۋ 28 قىركۇيەكتە وتكەن. دەگەنمەن ابدۋللا ابدۋللانىڭ بەلسەندى ەلەكتروتاتى داۋىس بەرۋدى زاڭبۇزۋشىلىقتار ورىن العانىن ايتىپ، اۋقىمدى ميتينگ وتكىزگەننەن سوڭ، داۋىس ساناۋ پروتسەسى كەشەۋىلدەگەن.
ابدۋللا ابدۋللا رەسمي قورىتىندى بويىنشا جوعارعى سوتقا جۇگىنەتىنىن جەتكىزدى. ونىڭ سوزىنشە، ءوزىنىڭ 300 مىڭداي داۋىسى ۇرلانعان. ابدۋللا ءبىرىنشى كەزەڭدە جەڭىپ، ەكىنشىسىندە عانيدەن قالىپ قويعان بولاتىن. وندا دا نارازىلار كۇمان كەلتىرىپ، قورىتىندى كەشىگىپ جاريالانعان.
اۋعانستاننىڭ بىرقاتار ايماقتارىندا سايلاۋ ناتيجەسىنە كۇماندانعان ابدۋللا سايلاۋشىلارى نارازىلىق وتكىزگەن. فوتو: REUTERS
سايلاۋعا قاتىسۋ كورسەتكىشى 2001 جىلى تالىپتەر بيلىكتەن ىعىستىرىلعاننان كەيىنگى ەڭ تومەنگى دەڭگەيدە وتكەن: 9,6 ميلليون سايلاۋشىدان بار بولعانى 2 ميلليونعا جەتپەيتىن ازامات قاتىسقان.
بۇۇ-نىڭ مالىمەتى بويىنشا، اۋعانستانداعى جۇمىسسىزدىق 25%-عا دەيىن ۇلعايىپ، حالىقتىڭ 55%-ى جوقشىلىقتا تىرشىلىك ەتۋدە. بيلىككە كەلگەن پرەزيدەنت عاني 40 جىلدان بەرى سوعىستان كوز اشپاعان، «ءتاليبان» ۇيىمىنىڭ ىقپالى قايتا كۇشەيىپ كەلە جاتقان كۇردەلى جاعدايداعى ايماقتى باسقارماق.
37 ميلليون حالقى بار اۋعانستاننىڭ 9,6 ميلليون ازاماتى داۋىس بەرۋگە قۇقىعى بولعان. بىراق سايلاۋعا بار-جوعى 2 ميلليونعا جۋىعى عانا قاتىسقان. فوتو: اۋعانستاننىڭ بىرقاتار ايماقتارىندا سايلاۋ ناتيجەسىنە كۇماندانعان ابدۋللا سايلاۋشىلارى نارازىلىق وتكىزگەن. فوتو: REUTERS
ءىرى دەرجاۆالار مۇددەلەرىنىڭ اسكەري تەكەتىرەسى الاڭىنا اينالعان اۋعانستان ايماعىندا 1979 جىلدان بەرى 3 ميلليونعا تارتا اۋعان (حالقى مەن اسكەردى قوسا العاندا – رەد.) سوعىس سالدارىنان قازا تاپقان.
اۋعانستاندا قازىرگى تاڭدا 14 مىڭداي اقش اسكەرى بار. فوتو: اۋعانستاننىڭ بىرقاتار ايماقتارىندا سايلاۋ ناتيجەسىنە كۇماندانعان ابدۋللا سايلاۋشىلارى نارازىلىق وتكىزگەن. فوتو: REUTERS
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟