الەمدەگى ەڭ قۇندى التىن مونەتا. فوتو: Xinhua.net

27 ناۋرىز، گەرمانيادا قۇنى 1 ميلليون اقش دوللارى تۇراتىن، التىن مونەتا ۇرلانعان. ساپ التىننان جاسالعان بۇل مونەتانىڭ سالماعى 100 كگ. شەتەلدىك باق-تىڭ حابارىنا قاراعاندا، قۇندى مونەتا گەرمانيا استاناسى بەرليندەگى «Bode» مۇراجايىندا ساقتاۋلى تۇرعان جەرىنەن ۇرلانعان. بۇل تۋرالى قىتايلىق «شينحۋا»-نىڭ رەسمي سايتى حابارلاپ وتىر.

الەمدەگى ەڭ قىمبات مونەتا. فوتو: Free-Bullion

قۇندى مونەتانىڭ اتى «ۇيەڭكى جاپىراعى». تەرىس بەتىنە ۇيەڭكى جاپىراعى بەدەرلەنگەن. وڭ بەتىندە ەليزاۆەتا II-نىڭ باس سۋرەتى بەينەلەنگەن. التىننىڭ تازالىعى 99,999 % بولىپ، كانادا كورولدىك  ۆاليۋتا جاساۋ ورتالىعىندا جاسالعان. الەمدەگى ەڭ قۇندى ۆاليۋتا رەتىندە گيننەستىڭ رەكوردتار كىتابىنا ەنگەن. اتالعان مۇراجاي بۇل مونەتانىڭ قۇنىن $ 1 ميلليون دەپ تىزىمدەگەن ەكەن. الايدا 100 كيلوگرامم ساپ التىننىڭ تازا قۇنى، قازىردىڭ وزىندە شامامەن 4,5 ملن اقش دوللارىنا تۋرا كەلەدى. جەرگىلىكتى ۇكىمەت پەن پوليتسيا تاراۋلارى قىلمىستى تەكسەرۋ ۇستىندە، دەسە دە، ناقتى قىلمىس كۇماندىسى مەن قىلمىسقا قاتىستى دەرەكتەردى كورسە تە الماي وتىر.

“The Qazaq Times”