فوتو: https://vlast.kz

قازاقستان پرەزيدەنتى قاسىم-جومارت توقاەۆ يمانعالي تاسماعامبەتوۆتى زەينەت جاسىنا جەتۋىنە بايلانىستى رەسەيدەگى ەلشى قىزمەتىنەن بوساتتى. بۇل تۋرالى پرەزيدەنتتىڭ ءباسپاسوز قىزمەتى حابارلادى.

«مەملەكەت باسشىسىنىڭ جارلىعىمەن يمانعالي نۇرعاليۇلى تاسماعامبەتوۆ قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى قىزمەتىنەن بوساتىلدى»، – دەلىنگەن حابارلامادا.

63 جاستاعى يمانعالي تاسماعامبەتوۆ قازاقستاننىڭ رەسەيدەگى ەلشىسى قىزمەتىن 2017 جىلدىڭ اقپاننان باستاپ اتقاردى. ءار جىلدارى ول رەسپۋبليكا پرەمەر-ءمينيسترىنىڭ ورىنباسارى، قورعانىس ءمينيسترى، استانا اكىمشىلىگىنىڭ باسشىسى (قازىرگى نۇر-سۇلتان) جانە الماتى اكىمى لاۋازىمىن اتقاردى.

"The Qazaq Times"