ادام قۇقىقتارى ازاماتتىق فرونتى ۇيىمداستىرعان شەرۋدەگى نارازىلار. گونكونگ، قىتاي. 8 جەلتوقسان 2019 ج. فوتو: REUTERS / Danish Siddiqui

بيلىك تۇرعىندارعا بەيبىت شەرۋ وتكىزۋگە رۇقسات بەردى.

كەشە، جەلتوقساننىڭ 8-ءى گونكونگ قوعامىنىڭ ءارتۇرلى سالاسىنان قارا كيىم كيگەن مىڭداعان ازامات سانكتسيالانعان ميتينگكە شىقتى.

Reuters حالىقارالىق اقپارات اگەنتتىگىنىڭ حابارلاۋىنشا، گونكونگ ۇكىمەتى نارازىلىق بىلدىرۋشىلەردى تىڭداپ، قابىلداۋعا دايىن ەكەنىن مالىمدەگەن. ال 7 جەلتوقسان ايماق ۇكىمەتى «كوپتەگەن قارسىلىق اكتسيالارىنان كەيىن ساباق الىپ، سىنعا قۇلاق اساستىنىن ايتىپ، ەڭ باستىسى، الداعى ۋاقىتتا جاڭا كەلىسسوزدەرگە مۇددەلىلىگىن» تانىتقان. سونداي-اق جەرگىلىكتى بيلىك ەل حالقىن تىنىشتىققا، تارتىپسىزدىككە جول بەرمەۋگە شاقىردى.

ادام قۇقىقتارى كۇنىنە وراي ادام قۇقىقتارىنىڭ ازاماتتىق فرونتى وتكىزىپ جاتقان كەڭماسشتابتى ميتينگىگە  ۇيىمداستىرۋشىلار الدىن-الا قۇزىرلى مەكەمەلەردەن رەسمي رۇقسات العان.

گونكونگ پوليتسياسىنىڭ جاڭا كوميسسارى كريس تاننىڭ ايتۋىنشا، قۇقىق قورعاۋ ورگاندارىنىڭ وكىلدەرى – پوليتسيا ساقشىلارى مەن ارنايى جاساق نارازىلىق شارالارى كەزىندە قاندايدا ءبىر تارتىپسىزدىك بولا قالعان جاعدايدا «قاتاڭ ءارى جۇمساق» ادىستەردى «ەركىن قولدانا الادى».

8 جەلتوقساندا بەلسەندىلەر الدىمەن ۆيكتوريا پاركىنە جينالىپ، سودان سوڭ بيزنەس-ورتالىققا قاراي باردى.

ادام قۇقىقتارى ازاماتتىق فرونتى ۇيىمداستىرعان شەرۋدەگى نارازىلار. گونكونگ، قىتاي. 8 جەلتوقسان 2019 ج. فوتو: REUTERS / Danish Siddiqui

«قىتايدىڭ وزگە ايماعىنان كەلگەن كۇدىكىتىنى ەكستراديتسيالاۋ تۋرالى» زاڭ جوباسىنان باستالعان قارسىلىق شارالارى ەرەكشە قارقىن الىپ، ماۋسىمنان بەرى ەلدە ءىرىلى-ورتا كولەمدەگى 900-دەن استام دەمونستراتسيا شارالارى مەن كوپشىلىك نارازىلىق اكتسيالارى وتكەن.

جەكسەنبى كۇنى ەرتەڭگىلىك پوليتسيا 20-63 جاس ارالىعىنداعى كۇدىكتى 11 ادامدى ۇستاعانىن، سونىمەن قاتار ولاردان اسكەري پىشاق، قارۋ جانە 105 وق، جارتىلاي اۆتوماتتى تاپانشا تاركىلەگەنىن حابارلادى. بۇل جارتى جىلدا نارازىلاردان تابىلعان العاشقى سۋىق قارۋ ەكەنىن ەسكە سالا كەتكەن ءجون بولار.

ەرەۋىلشىلەر «بوستاندىق ءۇشىن كۇرەس، گونكونگتى قولدا» («Fight for freedom, stand with Hong Kong») دەپ ۇرانداستى. قالا ىشىندەگى ءىرى داڭعىلداردى ءجۇرىپ وتكەن مارش قاتىسۋشىلارى «تاۋەلسىزدىك» جايىندا باستاما كوتەردى.

ۆيكتوريا ساياباعىنا جينالعان نارازىلار. گونكونگ، قىتاي. 8 جەلتوقسان 2019 ج. فوتو: REUTERS / Danish Siddiqui

"The Qazaq Times"