انگەلا مەركەل ەۋروداقتىڭ ساياساتى ء"اردايىم دۇرىس بولا بەرمەيتىندىگىن" مويىندادى. بۇل تۋرالى يتالياندىق Rai تەلەراديوكومپانياسىنا بەرگەن سۇحباتىندا ايتقان بولاتىن.

فەدەرالدى كانتسلەر: ء"بىز، شىنىمەن، ءبارىن دۇرىس جاسامادىق. كەيبىر اتقارىلماي قالعان دۇنيەلەر دە كوپ. بىراق بارلىعىندا وڭ نەگىز بار" - دەيدى.

ول ەۆروپالىق ساياساتكەردەردىڭ ەكونوميكالىق ساياسات پەن ميگراتسيالىق زاڭنامالارعا سايكەس كوپتەگەن قاتەلىكتەردى دە ءتىزىپ شىقتى.

انگەلا مەركەل: ء"بىز، مىسالى، ەركىن قاتىناستى جولعا قويىپ، سىرتقى شەكارالىق قاۋىپسىزدىكتى ەسكەرمەدىك. ال بىرەگەي ۆاليۋتا اينالىمىن ەنگىزىپ، ونىڭ داعدارىسقا توزىمدىلىگىن قاراستىرمادىق. بىراق قازىرگى تاڭدا ونى بىرقالىپتى دەڭگەيدە ۇستاپ تۇراتىن بانكتىك وداقتى جاساپ جاتىرمىز" - دەگەن بولاتىن.

فەدەرالدى كانتسلەر يتالياعا ەۋروپالىق ەكونوميكالىق قاۋىمداسىقتىڭ نەگىزى بولعان ريم كەلىسىمشارتىنىڭ 60 جىلدىق مەرەيتويىنا ارنايى كەلگەن بولاتىن.
«The Qazaq Times»