الماتى اۋماعىندا جەر سىلكىندى

الماتى اۋماعىندا ماگنيتۋداسى 4,5-ءتى كورسەتكەن كەزەكتى جەر سىلكىنىسى تىركەلدى.

كەشە، قاراشانىڭ 17-ءسى الماتىدا جەرگىلىكتى ۋاقىتپەن ساعات 16:05-تە جەر سىلكىنىسى بولدى. قر بعم عك ستاە مم ءباسپاسوز قىزمەتى حابارلاۋىنشا، ءدۇمپۋ وشاعى الماتىدان وڭتۇستىككە قاراي 327 شاقىرىم جەردە، قىتاي اۋماعىندا ورنالاسقان. ماگنيتۋداسى – 4,5. تەرەڭدىگى – 10 شاقىرىم. سەزىلۋى تۋرالى ازىرگە مالىمەت جوق.

وسىدان ءبىر اي بۇرىن، ناقتىراق ايتقاندا 7 قازان الماتى قالاسىنان سولتۇستىك-شىعىسقا قاراي 370 شاقىرىم جەردە، قىتاي اۋماعىندا جەر سىلكىنگەن بولاتىن. كەشكى 19 ساعات 39 مينۋتتا تىركەلگەن «جەر سىلكىنىسىنىڭ ەنەرگەتيكالىق ساناتى 10.2. MPV, ال ماگنيتۋداسى – 4-ءتى» كورسەتكەن ەدى.

"The Qazaq Times"