بۇعان دەيىن 10 جاسىندا ۋنيۆەرسيتەت بىتىرگەن امەريكالىق مايكل كارني الەمدەگى ەڭ جاس جوعارى ءبىلىم يەسى اتالىپ كەلگەن. جاقاندا نيدەرلاندتىق اقىلدى جاس لوران سيمونس بۇل كورسەتكىشتى تاعى ءبىر جاسقا قىسقارتپاق. ول 9 جاسىندا ەينحوۆەن تەحنيكالىق ۋنيۆەرسيتەتىن تامامداۋ الدىندا تۇر.

لوران سيمونس مەكتەپتىڭ التى جىلدىق باستاۋىش جانە ورتا بىلىمدەرىن نەبارى ءبىر جارىم جىل ىشىندە يگەرىپ، 8 جاسىندا جوعارى ورتا ءبىلىم پروگرامماسىن تاۋىسقان. اتالعان ۋنيۆەرسيتەتتە ول جوعارى ءبىلىم پروگرامماسىن دا ءوز كۋرستاستارىنان بۇرىن تامامداپ ۇلگىرگەن.

ونىڭ IQ دەڭگەيى 145-كە پارا-پار بولىپ، الەمدەگى ەڭ اقىلدى ادامدار قاتارىندا تۇر. ءوزىنىڭ ايتۋىنشا ەڭ سۇيىكتى ءپانى ماتەماتيكا، ودان تىس گەومەتريا، الگەبرا جانە ستاتيستيكا پاندەرىن دە ءسۇيىپ وقيدى. بولاشاق ارمانى كارديوحيرۋرگ بولۋ جانە ادامداردىڭ عۇمىرىن ۇزارتۋدىڭ جولىن تاۋىپ شىعۋ.

لوران سيمونستىڭ اناسى گوللانديالىق، ال اكەسى بەلگيالىق. بەلگيادا تۋىلعان لوران سيمونس نارەستە شاعىندا گوللاندياعا وتباسىمەن قونىس اۋدارعان ەكەن. اتا-اناسى ونىڭ بولاشاق قانداي مامان بولۋىن ءوز ەركىنە قويعان ەكەن. «تەك ءوزىن باقىتتى سەزىنسە بولدى»، – دەيدى لوراننىڭ اتا-اناسى.

“The Qazaq Times”