بۇگىن تۇركيا پرەزيدەنتى رەجەپ تايىپ ەردوعان اقش-قا رەسمي ساپارمەن اتتاندى. بىرەر اپتا بۇرىن اقش پرەزيدەنتى دونالد ترامپ تەلەفوندا سويلەسۋ كەزىندە تۇركيا پرەزيدەنتىن ەلىنە ساپارلاي كەلۋگە شاقىرعان بولاتىن. ەردوعاننىڭ اقش ساپارى 12 جانە 13 قاراشا كۇندەرى وتەدى دەپ جوسپارلانعان.

كەزەكتى ساپارىندا ەردوعان ترامپپەن جەكەلەگەن جانە دەلەگاتسيالار قۇرامىمەن كەزدەسۋلەر وتكىزەدى. كەزدەسۋلەردە ەكى ەلدىڭ قارىم-قاتىناسىن دامىتۋ، قايشىلىقتاردى جونگە سالۋ ماسەلەلەرى تالقىلانادى دەپ كۇتىلۋدە. ساۋدا قارىم-قاتىناسىن دامىتۋدى ماقسات ەتكەن ىسكەرلىك توپتاردىڭ كەزدەسۋى دە جوسپارلانعان.

سوڭعى كەزدەرى اقش پەن تۇركيا قارىم-قاتىناسى بىرقاتار قايشىلىقتى ماسەلەلەرگە تاپ بولعانى بەلگىلى. ايتالىق، ءسۇريا ماسەلەسى، S-400 قورعانىس جۇيەسى مەن F-35 جاۋىنگەرلىك ۇشاقتارىنىڭ داۋى، ساۋدا داۋى، فەنحوللاھ گۇلەن تاقىرىبى جانە كۇرد ماسەلەسى بويىنشا پىكىر الاۋىزدىعى كوبىرەك تۋىلدى. اسىرەسە، سوڭعى كەزدەرى ءسۇريانىڭ سولتۇستىك-شىعىس شەكاراسىنا تۇركيانىڭ جۇرگىزگەن اسكەري وپەراتسياسىنا بايلانىستى ەكى ەل قارىم-قاتىناسى قايشىلىققا قاراي بەتتەي تۇسكەن. كەزەكتى باس قوسۋدا ەردوعان مەن ترامپ اراسىندا كۇردەلى تاقىرىپتارعا ارنالعان كەلىسسوز بولاتىنى ءسوزسىز.

“The Qazaq Times”