ينفاركت پەن ينسۋلتتىڭ الدىن الۋعا بولادى

عالىمدار ينفاركت پەن ينسۋلتتىڭ الدىن الاتىن ءدارى  جاساپ شىعاردى دەپ حابارلايدى bbc.com. 

ءدارىنىڭ حالىقارالىق تاجىريبەلىك جۇمىستارى 27 مىڭ ادامنىڭ قاتىسۋىمەن جۇزەگە اسىپ، اعزاداعى زياندى حولەستەريننىڭ دەڭگەيىن 0 پايىزدىق دەڭگەيگە دەيىن جەتكىزۋگە مۇمكىندىك بەردى. تاجىريبەلىك ساراپتامالىق جۇمىستاردىڭ ءساتتى ءوتۋى - بولاشاقتا ميلليونداعان ادامداردىڭ جۇرەك-قان تامىرلارى اۋرۋلارىنان بولاتىن ءولىم قاتەرىنىڭ الدىن الۋعا سەپتىگىن تيگىزەدى دەپ سەنۋدە.

British Heart Foundation مەديتسينالىق قايىرىمدىلىق ۇيىمى قولداعى ناتيجەلەر - جۇرەك اۋرۋلارىنىڭ كلينيكالىق تۇرلەرىمەن كۇرەسۋدە ايتارلىقتاي ناتيجە بەرەدى دەپ ايتىپ وتىر.

ستاتيستيكالىق مالىمەتتەرگە سۇيەنسەك، جىل سايىن ينفاركت پەن ينسۋلتتان 15 ميلليون ادام ءولىپ, ال امان قالعاندارى سال اۋرۋلارىنا شالدىعىپ نەمەسە توسەككە تاڭىلىپ جاتادى. وسى قاتەرلى دەرتتىڭ الدىن الۋعا باعىتتالعان بۇل ءدارى حولەستەريننىڭ زياندى قالدىقتارىن زالالسىزداندىرۋعا باعىتتالعان.

اعزاداعى زياندى حولەستەريننىڭ دەڭگەيى ارتقان سايىن قان اينالىم جولدارى بىتەلىپ، سونىڭ سالدارىنان ميعا قاجەتتى قورەك پەن وتتەگى جەتپەۋدەن ينفاركت پەن ينسۋلت ورىن الادى.

"The Qazaq Times"