وش قالالىق ىشكى ىستەر دەپارتامەنتىنىڭ ءباسپاسوز قىزمەتى ازاتتىقتىڭ قىرعىز قىزمەتىنىڭ ءتىلشىسى ىدىرىس يساكوۆقا قاتىستى توقتاتىلعان ءىس قايتا اشىلادى دەپ مءالىمدەدى. بۇل تۋرالى ورتالىق ازيا جاڭالىقتارى قىزمەتى حابارلادى.
30 قىركۇيەكتە وش تۇرعىنى «يساكوۆ ءىرى كولەمدە اقشا تالاپ ەتتى» دەپ ارىز جازعان، ول وزىمەن ەكى كۋاگەردى الىپ كەلگەن.
ارىزدانۋشىنىڭ ايتۋىنشا، يساكوۆ «5 مىڭ دوللار نەمەسە ءوزى ءمىنىپ جۇرگەن «لەكسۋس» كولىگىن سۇراعان، بولماسا ينتەرنەتكە ماتەريال جاريالايتىنىن ايتقان». ءدال وسىنداي ارىز 4 ساۋىردە تىركەلگەن. بىراق دالەل بولماعاندىقتان، ءىس توقتاتىلعان.
ىدىرىس يساكوۆتىڭ ءوزى مۇنى جالا دەپ ەسەپتەيدى. ول Facebook پاراقشاسىنا «بۇل ادام ميليتسيا پولكوۆنيگى ەكەنىن ۇمىتىپ، قىلمىس الەمىنىڭ بەلسەندىسى كادىر دوسونوۆتىڭ (دجەنگو) وكىل بالاسى بولىپ، كاسىپكەر جاليل اتامباەۆقا جۇمىس ىستەيدى» دەپ جازدى.
«ەگەر شەفى كەز كەلگەن سەبەپ تاۋىپ، ارىز جاز دەسە، ول قالاي باس تارتادى؟ سوسىن بارىپ ىدىرىس اقشا بالاپ ەتتى دەگەن ادامدى سوكپەڭىزدەر. ءجاي، ونىڭ جاعدايىن تۇسىنىڭىزدەر»، - دەپ جازدى جۋرناليست.
ىدىرىس يساكوۆ – قىرعىز قوعامىندا رەزونانس تۋعىزعان زەرتتەۋ ماقالالارىنىڭ اۆتورى. 17 ساۋىردە ازاتتىقتىڭ قىرعىز قىزمەتى "وش: سالىقتان قاشقان "كاسىپكەرلەر"دەگەن ماتەريال جاريالادى. وندا جەرگىلىكتى كاسىپكەر جاليل اتامباەۆتىڭ قالايشا سالىقتان جالتارعانى جايىندا زەرتتەۋ جۇرگىزگەن. ول – وشتاعى ەڭ باي ادامداردىڭ ءبىرى.
وسى ماتەريالدان كەيىن قارجى پوليتسياسى كاسىپكەرگە قارسى قىلمىستىق ءىس قوزعاعان. وسىدان كەيىن جاليل اتامباەۆ جۋرناليست يساكوۆتى سوتقا بەرگەن. بىراق ءبىراز ۋاقىتتان كەيىن ارىزىن قايتارىپ العان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى