كورنەكى سۋرەت. فوتو: https://24.kz

ارنايى وپەراتسيا كەزىندە قازاقستاننان 23 ەسىرتكى القابى تابىلدى. بۇل تۋرالى ىشكى ىستەر مينيسترلىگى حابارلادى.

ءىىم تاراتقان رەسمي حابارلامادا: «جىل سايىن ماۋسىم مەن قازان ارالىعىندا ەلىمىزدە «كوكنار» وپەراتسياسى جۇرگىزىلەدى. ەسىرتكى ساتۋشىلاردى ۇستاۋ ءۇشىن ناركواكتيۆتى اۋداندارداعى (جامبىل جانە قىزىلوردا وبلىستارى) پوليتسەيلەر قاتارلارىن وزگە وڭىرلەردەن كەلگەن ارىپتەستەرمەن جانە قۇرالدارمەن كۇشەيتىلۋدە. سونداي-اق، قىزىلوردا وبلىسىندا ءۇندى كوكنارى ەگىلگەن القاپتاردى انىقتاۋ ءۇشىن ۇلتتىق گۆارديا جانە «سۇڭقار» ارنايى جاساق قىزمەتكەرلەرى اۋە تەحنيكاسىنىڭ كومەگىمەن قاشىقتا ورنالاسقان جەرلەر اۋەدەن باقىلايدى»، – دەلىنگەن.

پوليتسيا قىزمەتكەرلەرى «كوكنار» وپەراتسياسى بارىسىندا 3 ايدىڭ ىشىندە 16,7 توننا ەسىرتكى تاركىلەدى. سونداي-اق، زاڭسىز «ءۇندىستان كوكنارى» وسىرىلگەن 23 پلانتاتسيا تابىلعان. جەدەل الدىن الۋ شارالارى باستالعالى 16 توننا ەسكىرتكى تاركىلەندى. ونىڭ 8,7 كەلىسى – گەروين، 4 تونناسى – ماريحۋانا، 198 كەلىسى – ناشا. ال كوكنار ەگىلگەن جەرلەردەن 10 توننا ەسىرتكى وسىمدىگىنىڭ كوزى جويىلدى.

"The Qazaq Times"