CNN: اقش رەسەيدەن تىڭشىسىن جاسىرىن الىپ شىعىپ كەتكەن

قۇراما شتاتتار 2017 جىلى رەسەيدىڭ ءۇكىمەت اپپاراتىندا جۇمىس ىستەيتىن تىڭشىسىن جاسىرىن الىپ شىعىپ كەتكەن. CNN تەلەكانالى دونالد ترامپ ءاكىمشىلىگىندەگى دەرەككءوزىنە سءۇيەنىپ، وسىلاي حابارلادى. بۇل تۋرالى ورتالىق ازيا جاڭالىقتار قىزمەتى جازدى.

دەرەككوزدىڭ سوزىنشە، ونى الىپ شىعۋ جونىندە شەشىم شىعارعاندار قۇپيا مالىمەتتەرمەن جۇمىس ىستەۋدە ترامپ اينالاسىنداعى ادامداردىڭ كاسىبيلىگىنە كۇمان كەلتىرگەن. وعان نەگىز بولعان قۇپيا قۇجاتتارمەن جۇمىس ىستەۋدە بىرنەشە رەت ولقىلىقتار ورىن العانى سەبەپ بولعان دەيدى CNN. بۇل رەسەي بيلىگى دالىزىندەگى امەريكالىق تىڭشىنىڭ ومىرىنە قاۋىپ تۋعىزعان.

تىڭشىنى الىپ شىعۋ تۋرالى شەشىم 2017 جىلدىڭ مامىر ايىندا قابىلدانعان. سول كەزدە ترامپ رەسەي سىرتقى ىستەر ءمينيسترى سەرگەي لاۆروۆپەن جانە اقش-تاعى رەسەي ەلشىسى بولعان سەرگەي كيسلياكپەن قۇپيا اقپاراتتار جونىندە تالقىلاعان.

ول كەزدە ورتالىق بارلاۋ باسقارماسىنىڭ ديرەكتورى مايك پومپەو بولعان. ترامپ اكىمشىلىگىندە رەسمي ادامدارمەن اڭگىمە بارىسىندا پومپەو ماسكەۋدەن الىنعان كوپ اقپاراتتى تالقىلاۋ قاجەتتىگىنە كۇمان كەلتىرگەن. وسىدان كەيىن ونى تەز ارادا الىپ شىعۋعا ءماجبۇر بولعان.

اقش مەملەكەتتىك حاتشى وكىلى پىكىر بىلدىرۋدەن باس تارتتى. اق ءۇي ءباسپاسوز حاتشىسى ستەفاني گريشام "CNN ماتەريالى قاتە عانا ەمەس، ول ادام ومىرىنە ۇلكەن قاۋىپ كەلتىرۋى مۇمكىن" دەپ مالىمدەدى.

“The Qazaq Times”