ترامپ گونكونگ داعدارىسىنا بايلانىستى قىتاي ۇكىمەتىنە ەسكەرتۋ جاسادى

اقش پرەزيدەنتى دونالد ترامپ جەكسەنبىدە نيۋ-دجەرسي شتاتىنىڭ مورريستاۋن قالاسىندا جاساعان مالىمدەمەسىندە گونكونگ تاقىرىبىن ءسوز ەتتى. اقش پرەزيدەنتى سوزىندە ەگەر گونكونگتاعى جاعدايعا قىتاي ۇكىمەتى قاتالدىق تانىتاتىن بولسا، بۇل اقش-قىتاي ساۋدا كەلىسسوزدەرى كەرى اسەرىن جاسايتىنىن ەسكەرتتى. مالىمدەمە بارىسىندا ول قىتاي باسشىسى شي ءجينپيڭدى گونكونگتەگى نارازى توپپەن كەلىسسوزگە كەلۋگە شاقىرعان

پرەزيدەنتى ترامپ گونكونگ داعدارىسىنىڭ وڭدى شەشىم تابۋى اقش پەن قىتاي ساۋدا كەلىسىمىنە جاعىمدى اسەر بەرەتىنىن ايتا كەلىپ: "ەگەر گونكونگتەگى جاعدايعا قاراتا قىتاي ۇكىمەتى قاتال ارەكەتتەرگە بارىپ، زورلىق-زومبىلىق ورىن السا نەمەسە "تاعى ءبىر تيانانمىن وقيعاسى" قايتالاناتىن بولسا، بۇل بىزگە دە قىسىم بولماق. بۇل ەكى ەل قاتىناسىنا سالقىن تيگىزەدى. ەكى ەل اراسىنداعى ساۋدا كەلىسىمىنە كەرى اسەرىن ەتەدى", – دەدى.

ترامپ سونىمەن بىرگە قىتاي باسشىسىنىڭ ازاماتتارمەن كەلىسسوز ۇستەلىنە وتىرۋعا ادەتىنە اينالدىرماعانىن سىنداي كەلىپ: "دۇنيە وزگەرىپ كەلەدى دەپ ويلايمىن، شي جينپيڭ مىرزا ولارمەن (نارازى توپپەن) وتىرىپ سويلەسەتىن بولسا، بۇل بارلىق تاراپقا ءتيىمدى بولار ەدى",– دەگەن.

اق ءۇي باسشىسى كەشەگى مالىمدەمەسىندە گونكونگتىڭ نارازىلىق شارالارىن ۇيىمداستىرۋشىلاردىڭ ارەكەتىن دە جوعارى باعالادى. ولاردىڭ ءىسىن "ەرلىك", "مىقتىلىق" دەگەن سوزدەرمەن اتاپ وتكەن.

گونكونگ شاھارىنداعى نارازىلىق شارالارى باستاپقىدا گونكونگتىك ازاماتتاردى ەكستراديتسيالاۋ تۋرالى زاڭ جوباسىنا قارسىلىقتان باستالعانىمەن، سوڭعى كەزدەرى نارازى توپ گونكونگ قالاسىنىڭ دەربەستىگى تۋرالى دا ۇراندار كوتەرە باستادى. كەيبىر ساراپشىلاردىڭ پىكىرىنشە، بۇل نارازىلىقتاردىڭ ارتىندا اقش پەن ۇلىبريتانيا تارابى دا تۇرعان بولۋى مۇمكىن. سەبەبى، گونكونگتەگى جۇزدەگەن شەتەلدىك بانكتەردە اقش باستاعان باتىس ەلدەرىنىڭ قارجىسى دا بار. شي جينيپڭ بيلىگىنىڭ قىسىمى گونكونگتى پانالاعان قالتالى بايلارعا دا اۋىر سوققى بولۋدا. بۇل بىرقاتار باتىس ەلدەرىنىڭ مۇددەسىنە دە سوقتىعىسىپ جاتقان كۇردەلى قايشىلىق. كوممۋنيستىك رەجيمنىڭ قىسىمىنان كەيىن ەلدەن قاشۋعا ءماجبۇر بولعان قالتالى قىتايلىقتار دا گونكونگكە توپتاسقان. شەتەلدەن قىتايعا كىرەتىن ينۆەستيتسيا دا اتالعان شاھاردى باسىپ وتەدى. ءبىر سوزبەن ايتقاندا كوپتەگەن تاراپتاردىڭ مۇددەلەرى كەلىپ تىرەلگەن توعىز جولدىڭ تورابى. سوندىقتان دا، قازىرگى بەيجىڭ بيلىگىنە قىسىم تۇسىرە وتىرىپ، كەلىسىمدەرگە كەلتىرۋ ءۇشىن دە بىرقاتار الپاۋىت ەلدەر گونكونگتى پايدالانباي قالمايدى. شيەلەنىس ۋشىعا بەرسە، وندا بۇل جاعداي قىتاي بيلىگىن، جاقسى-جامان بولسىن، ۇلكەن شەشىم قابىلداۋعا يتەرمەلەيدى.

“The Qazaq Times”