ترامپ ساياساتى اقش-قا وڭ پايداسىن تيگىزە باستادى

اقش ىشكى قاۋىپسىزدىك دەپارتامەنتىنىڭ 8 ناۋرىزداعى حابارلاماسىنا سۇيەنسەك، ترامپ تاققا وتىرعاننان بەرى مەكسيكا شەكاراسىنان زاڭسىز كىرۋشىلەر كورنەكتى تومەندەگەن. اتالعان قۇزىرلى ورىننىڭ كورسەتكەن مالىمەتىندە ءبىر عانا اقپان ايىندا وڭتۇستىك شەكارادان زاڭسىز شەكارا بۇزۋشىلار 40 پايىزعا ازايعان. بۇل تۋرالى China news پورتالى حابارلايدى.

بۇل كورسەتكىش شەكارا قورعاۋ جانە كەدەندىك باقىلاۋ ورىندارىنىڭ وڭتۇستىك شەكارادا ۇستاعان، قاماۋعا العان ادامدار سانىن سالىستىرۋ ارقىلى شىعارىلعان. ياعني، وسى جىلدىڭ قاڭتار ايىندا 31578 ادام وڭتۇستىك شەكارانى بۇزۋ بارىسىندا ۇستالعان. ال اقپان ايىندا بۇل ساندىق كورسەتكىش 18762 ادامعا ازايعان. بۇدان بۇرىنعى ۇردىستە اقپان ايىنداعى شەكارا بۇزۋشىلار قاڭتار ايىنان 10-20 پايىزعا دەيىن كوپ بولىپ كەلىپتى. ترامپ ۇكىمەتى شىعارعان زاڭسىز ميگرانتتاردى شەكتەۋ جاڭا ەرەجەسى ارقىلى زاڭسىز شەكارا بۇزۋشىلار  40 پايىزعا ازايدى دەپ وتىر، اقش ىق دەپارتامەنتى.

ەستەرىڭىزدە بولسا، ترامپ تاققا وتىرعان العاشقى اپتادا-اق، 2000 ميلدىك اقش-مەكسيكا شەكاراسىنا قورعان تۇرعىزۋعا بۇيرىق بەرىپ، ميگرانتتاردى شەكتەۋدىڭ جاڭا ەرەجەسىن شىعاردى. شەكارا كۇزەتى مەن كەدەن قىزمەتكەرلەرىنىڭ قۇقىق كولەمىن كەڭەيتتى. شەكارا بۇزۋشىلاردى قاماۋ جانە ايىپ بۇل سالۋ ەرەجەلەرىن اتقاردى. اقش ىشكى قاۋىپسىزدىك دەپارتامەنتىنىڭ مالىمەتى بويىنشا وسى جاڭا ساياسات قۇراما شتات ءۇشىن ەندىگى جەردە وڭ پايداسىن تيگىزىپ وتىر ەكەن.

شەكارادا تۇتقىندالعان زاڭسىز يمميگرانتتاردىڭ سانىنىڭ ازايۋى، زاڭسىز شەكارا بۇزۋ ىسىندەگى وڭ وزگەرىستى كورسەتەدى دەپ وتىر اتالعان دەپارتامەنت مالىمدەمەشىسى. سونىمەن قاتار، باسىن تاۋەكەلگە بايلاپ، زاڭسىز شەكارا بۇزىپ، كونتراباندالىقپەن اينالىساتىندار سانىن دا ازايتادى دەپ كۇتىلۋدە. بۇل العاشقى ساندىق مالىمەتتەر اتقارۋشى بيلىكتىڭ ماڭىزدى ءرولىن تولىق كورسەتىپ تۇر.

“The Qazaq Times”