اقش پەن ونىڭ وداقتاستارى ايماقتاعى جاعدايدى باقىلاۋدا. بۇۇ پحەنيان ءوزىنىڭ قارۋ-جاراق باعدارلامالارىن جەتىلدىرۋگە كيبەرشابۋىلداردىڭ كومەگىمەن 2 ميلليارد دوللار كولەمىندە تابىس تاپقانىن مالىمدەپ ءارى ايىپتايتىنىن ءبىلدىردى.
شىعىس تەڭىزگە قاراي ۇشىرىلعان ەكى زىمىران تۋرالى رەپورتاج كورىپ وتىرعان ازماتتار. سەۋل، وڭتۇستىك كورەيا. 2019 جىل 6 تامىز. فوتو: REUTERS / Kim Hong-Ji
باق-تا سولتۇستىك كورەيا بەلگىسىز ۇلگىدەگى ەكى زىمىراندى ىسكە قوسقانى تۋرالى حابار تاراعاننان سوڭ قۇراما شتاتتار جاعدايدى ءجىتى باقىلاۋعا العان. ءارى وداقتاستارىمەن – وڭتۇستىك كورەيا جانە جاپونيامەن تىعىز كەڭەس وتكىزەدى. بۇل تۋرالى Reuters اگەنتتىگىنە اقش اكىمشىلىگىنىڭ وكىلى حابارلادى.
بۇعان دەيىن دۇيسەنبى كۇنى كەشكە Yonhap اقپاراتتىق اگەنتتىگى سولتۇستىك كورەيا شىعىس باعىتتا حۆانحە-نامدو پروۆينتسياسىنان ەكى زىمىراندى تەڭىزگە شىعارعانىن جاريالاعان بولاتىن. اتالمىش اگەنتتىك ءوز حابارلاماسىندا دەرەككوز رەتىندە وڭتۇستىك كورەياداعى بىرىككەن كوميتەتتىڭ شتاب باسشىسىنىڭ دايەكسوزىن كەلتىرەدى.
پحەنيان زىمىرانىنا جاپونيا دا تۇسىنىك بەردى. ەلدىڭ قورعانىس مينيسترلىگى ازىرگە كۇنشىعىس (جاپونيا) اۋماعىنا قاۋىپ توندىرمەيتىنىن مالىمدەگەن.
voanews.com اقپارات پورتالىنىڭ دەرەگىنە قاراعاندا، جاپونيا اسكەري ۆەدومستۆوسىنىڭ حابارلاماسىندا جاپونيا ۇستىنەن قانداي دا ءبىر بالليستيكالىق زىمىراندار ۇشىپ وتكەنىن راستاي المايتىنى ايتىلعان.
بۇۇ-نىڭ رەسمي تۋى. فوتو: kod.ru
Reuters اگەنتتىگىنىڭ دۇيسەنبىلىك حابارلاماسىنا سايكەس، بۇۇ-نىڭ قۇپيالىق بايانداماسىندا سولتۇستىك كورەيا بانكتەر مەن كريپتوۆاليۋتا بيرجالارىنا «اۋقىمدى جانە جوعارىتەحنولوگيالىق» كيبەرشابۋىل جاساۋ ارقىلى جاپپاي قىرىپ-جوياتىن قارۋ باعدارلاماسىنا شامامەن 2 ميلليارد دوللار تابىس تاپقان. باياندامانى بۇۇ قاۋىپسىزدىك كەڭەسىنىڭ سولتۇستىك كورەيا بويىنشا سانكتسيالىق كوميتەتى ءۇشىن جارتى جىل بويى باقىلاعان تاۋەلسىز ساراپشىلار دايىنداعان.
ساراپشىلاردىڭ ايتۋىنشا، سولتۇستىك كورەيا «قارجى ينستيتۋتتارى مەن كريپتوۆاليۋتا بيرجالارىنىڭ قاراجاتىن جىمقىرۋ ماقساتىندا بارىنشا جوعارى تەحنولوگيالىق شابۋىلداردى جاساۋعا كيبەركەڭىستىكتى قولدانعان».
سوڭعى مالىمەتتەرگە قاراعاندا، ەكى اپتا ىشىندە كحدر تاراپىنان ءتورتىنشى رەت زىمىران ۇشىرىلعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى