الماتى وبلىسى تالعار اۋدانى بەساعاش اۋىلىنىڭ تۇرعىندارى بۇگىن تاڭنان بەرى الماتى-تالعار تاسجولىنىڭ بويىندا جينالىپ تۇر. ولار بۇعان دەيىن دە، ياعني 1 شىلدە دە نارازىلىق شاراسىن وتكىزگەن. بەساعاشتىقتاردىڭ جولدى جابۋ ارقىلى نارازىلىق بىلدىرۋىنە ءبىر عانا سەبەپ بار، «جاز كەلىسىمەن بەساعاشتا اۋىز سۋ ماسەلەسى تۋىندايدى»، – دەيدى جىلبەك سەمبەكۇلى. ونىڭ ايتۋىنشا، بەساعاشتاعى اۋىز سۋ ماسەلەسى تەك بيىل عانا ەمەس، بىرنەشە جىلدان بەرى قوردالانىپ كەلەدى. «ماسەلە نەگىزىنەن جاز ايلارىندا باستالادى. جاز كەلىسىمەن سۋدى وشىرە باستايدى. نەگە؟ مىنا جەردە «تاس-قۇم اقساي-ساۋ» دەگەن جشس-عا قارايدى. سول كومپانيانىڭ قارىزدارىنا بايلانىستى سۋ وشىرىلەدى. ءبىز سۋ اكىمدىكتىڭ بالانىسىنا وتسە دەگەن ءوتىنىشىمىز بار»، – دەيدى جىلبەك سەمبەكۇلى. اۋىل مەن اۋدان اكىمدەرىنىڭ ورىنباسارلارى باستاعان بىرقاتار اكىمدىك وكىلدەرىنە قاناعاتتانبادى. ءبىردان، تالعان اۋدانىنىڭ اكىمىنىڭ كەلۋىن تالاپ ەتتى. اكىم كەلگەنشە اۋىل تۇرعىندارى الماتى-تالعار تاس جولىن بىرنەشە مينۋتقا جاۋىپ تاستادى. اراعا از ۋاقىت سالىپ تالعار اۋدانىنىڭ اكىمى رىسكەلدى احمەتقاليۇلى ساتباەۆ تا جۇرت الدىنا كەلىپ، 1 شىلدەدەگى ۋادەسىن قايتالادى. تالعار اكىمى جۇرتپەن بىرگە سۋ قويماسىنا دا باردى. قالاي بولعاندا دا، اكىمدىك تارابى اتالعان جشس-دان ءوز بالانىسىنا الماي، بەساعاشتىڭ اۋىز سۋ ماسەلەسىن شەشىم تاپپايتىنداي. جازدىڭ اپتاپ ىستىعى ەندى عانا باستالىپ جاتقانىن ەسكەرسە، تالعار اكىمى ءوز ۋادەسىن ورىندايدى دەگەن ۇمىتتەمىز.

“The Qazaq Times”