رەسەي وندىرەتىن S-400 زىمىران قورعانىس جۇيەسى تۇركياعا جەتكىزىلە باستادى. اۋە قورعانىس جۇيەسىنىڭ العاشقىلارى ءبىر كۇن بۇرىن انكاراداعى «مۇرتەد» اۋە بازاسىنا جەتكىزىلدى.

تۇركيا قورعانىس مينيسترلىگىنىڭ حابارلاۋىنشا، 12 شىلدە كۇنى S-400 اۋە قورعانىس جۇيەسىنىڭ قۇرىلعىلارىنىڭ العاشقىلارى تۇرىك جەرىنە جەتكىزىلدى. بۇلارعا قوسا رەسەيلىك ماماندار مەن جۇمىس توبى دا تۇركياعا بارىپ، قورعانىس جۇيەسىن ورناتۋ جۇمىستارىنا قولعابىس ەتەدى جانە العاشقى سىناق پروتسەستەرىنەن وتكىزەدى.

تۇركيا مەن رەسەي اراسىندا S-400 اۋە قورعانىس جۇيەسىن ساتىپ الۋ جانە ساتىپ بەرۋ تۋرالى كەلىسىمگە 2017 جىلى 11 ءساۋىر كۇنى قول قويعان بولاتىن. انكارا، رەسەيلىك قورعانىس قۇرىلعىسىن ساتىپ الۋ تۋرالى شەشىمىن جاريا ەتكەننەن تارتىپ، ناتو جانە اقش-تۇركيا اراسىندا تالاس-تارتىس تۋىلعان. سودان بەرى اقش پەن تۇركيا اراسىندا كىربەڭدىك ءالى جازىلعان جوق.

تۇركيا ءسىم باسشىسى مەۆلۇت شاۆۋشوعلۋ بۇل تۋرالى مالىمدەمەسىندە: «كەلىسىم بويىنشا قابىلداۋ پروتسەسى باستالدى. جالپى پروتسەسس كەلىسىم بويىنشا توقتاۋسىز جالعاسادى»، – دەدى.

اقش تۇركيانى رەسەي تەحنيكاسىن ساتىپ الۋ نيەتىنەن قايتارۋ ءۇشىن بىرقاتار شارالارعا بارىپ كوردى. بىراق، بۇل ماسەلەدە انكارا العان بەتىنەن قايتپادى دەسە دە بولادى. ەندىگى ماسەلە – انادولى جۇرتىندا قۇرىعان رەسەي قورعانىس تەحنيكاسى مەن اقش جانە ناتو كۇشتەرى اراسىنداعى بولۋى مۇمكىن كيكىلجىڭدەر. اقش بۇعان دەيىن رەسەيلىك قورعانىس جۇيەسى ناتو پايدالاناتىن ەۋروپالىق جانە امەريكالىق اسكەري تەحنيكالارعا كەدەرگى كەلتىرەدى دەپ كەلگەن ەدى. دەمەك، S-400 جۇيەسىنىڭ تۇركياعا ورنالاسا سالۋىمەن اقش-تۇركيا اراسىنداعى داۋ-داماي اياقتالمايتىنى انىق.

“The Qazaq Times”