ۋكراينانىڭ سىرتقى ىستەر مينيسترلىگى گااگاداعى بۇۇ-نىڭ حالىقارالىق سوتىنا رەسەيگە قارسى شاعىم تۇسىرگەن بولاتىن. ۋكرايناعا قارسى تەروريزم اكتىلەرى مەن زاڭسىز اگرەسيۆتى كەمسىتۋ شارالارىنا بايلانىستى 16 قاڭتار كۇنى جاسالعان شاعىم بويىنشا العاشقى سوت وتىرىسى ءوتتى دەپ حابارلايدى bbc.com.
ارىز تەرروريزمدى قارجىلاندىرۋمەن كۇرەس جانە ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيا نەگىزىندە جاسالىپ وتىر.
ۋكراينا بيلىگىنىڭ مالىمدەۋىنشە رەسەي ەل ايماعىنداعى زاڭسىز قارۋلى توپتارعا قارۋ-جاراق پەن باسقا دا نىساندارمەن كومەكتەسۋ ارقىلى جوعارىدا ايتىلعان ءبىرىنشى كونۆەنتسياعا قارسى ارەكەتتەر جاساپ وتىر. سوتقا ارىز بەرۋ تۋرالى ءسىم-نە ۋكراينا پرەزيدەنتى پەتر پوروشەنكونىڭ ءوزى تاپسىرعان.
بۇل ەكى ەل اراسىنداعى ماسەلە بويىنشا سوت ءىسى ءبىر جىلعا سوزىلۋى مۇمكىن. ال ۋكراينا تاراپى ءىستىڭ تىعىرققا تىرەلگەنىن ايتىپ، الدىن الۋ شارالارىن ۇيىمداستىرۋدى سۇراۋدا. رەسەي مەن ۋكراينا شەكاراسىنان تولاسسىز قارۋ تاسىمالىن تەزدەتىپ توقتاتۋ ارقىلى، ەل ايماعىنداعى تەرروريستىك اكتىلەردى جويۋدى تالاپ ەتىپ وتىر. ەگەر ءىس بەيبىت جولمەن شەشىمىن تاپپاسا، ۋكراينا تاراپى قۇر قاراپ وتىرمايتىندىعىن جەتكىزدى.
ايتا كەتسەك، وسى ۋاقىتقا دەيىن دە ۋكراينا رەسەيدى تەڭىز رەسۋرستارىن ۇرلادى دەگەن ايىپپەن سوتقا بەرگەن بولاتىن.
«The Qazaq Times»
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى