اقش يرانعا جاقىن ماڭدى باقىلاۋ ءۇشىن كواليتسيا قۇرماق

اقش تارابى ورمۋز بەن باب-ءال-مانداب بۇعازدارىنان وتەتىن كەمەلەردى كۇزەتۋ ءۇشىن حالىقارالىق كواليتسيا قۇرۋدى ۇسىنىس ەتتى. اقش قارۋلى كۇشتەر شتابىنىڭ جەتەكشىسى جوزەف دانفورد مالىمدەگەن بولاتىن.

دانفورد مالىمدەمەسىندە، اقش تارابى بۇل ماسەلە بويىنشا بىرقاتار ەلدەرمەن ديالوگ جۇرگىزىپ جاتقانىن، كواليتسيا قۇرىلسا ول اتالعان ەكى بۇعاز اراسىنداعى كەمەلەردىڭ قاۋىپسىزدىگىن باقىلاۋعا الماق. بىراق، امەريكالىق جوعارى اسكەري شەندى قاي ەلدەرمەن سويلەسۋلەردىڭ ءجۇرىپ جاتقانى تۋرالى انىق ايتپاعان، تەك: «قايسى ەلدىڭ ساياسي ەرىك-جىگەرى جەتىپ، بۇل مىندەتتى ورىنداۋعا كەلىسىم بەرەتىنى الداعى اپتادا بەلگىلى بولادى»، – دەگەن.

يران بيلىگى اقش-تىڭ مالىمدەمەسىن «ۇركىتىپ-قورقىتۋ»، «پسيحولوگيالىق شابۋىل» رەتىندە باعالادى جانە ورمۋز بۇعازىن جاۋاپ تاستايتىنىن ەسكەرتتى. ورمۋز بۇعازى الەمدەگى مۇناي تاسىمالى ءۇشىن اسا ماڭىزدى سۋ جولى بولىپ سانالادى.

ەگەر، اقش باستاعان حالىقارالىق كواليتسيا كۇشتەرى قۇرىلىپ، ول ورمۋز بەن باب-ءال-مانداب بۇعازدارى اراسىندا اسكەري شارلاۋشى كەمەلەرىمەن جۇرەتىن بولسا، بۇل يراننىڭ قورعانىس قاۋىپسىزدىگىنە جاڭا قىسىپ تۇسىرەدى. ارينە، يران قارۋلى كۇشتەرى دە شەكاراسىنا جاقىن بۇنداي شەتەلدىك اسكەري كۇشتەردى جاۋاپسىز قالدىرمايدى. بۇل قاقتىعىس قاۋپىن دە ءورشىتۋى مۇمكىن.

“The Qazaq Times”