وڭتۇستىك كورەيا اسكەريلەرىنىڭ ايتۋىنشا، كحدر جاپون تەڭىزىنە قاراي بىرنەشە بالليستيكالىق  زىمىراندارىن ۇشىردى دەپ حابارلايدى bbc.com. 

وڭتۇستىك كورەيانىڭ قورعانىس مينيسترلىگىنىڭ مالىمدەمەسىندە  قىتاي شەكاراسىنىڭ ماڭىنداعى تونچحان پروۆينتسياسىنىڭ پوليگونىنان بىرنەشە بالليستيكالىق زىمىران جاپون تەڭىزىنە قاراي ۇشىرىلدى دەلىنگەن.

ۇشىرىلعان 4 زىمىراننىڭ قانداي ءتۇرى ەكەندىگى تۋرالى مالىمەت جوق.

وڭتۇستىك كورەيانىڭ قورعانىس مينيسترلىگىنىڭ رەسمي وكىلىنىڭ وڭتۇستىك كورەيالىق تەلەارناعا بەرگەن سۇحباتىندا، بۇل قۇرلىق ارالىق زىمىراندار بولۋى مۇمكىن دەپ وتىر.

فوتو: KOREA NEWS SERVICE

سوڭعى رەت سولتۇستىك كورەيا زىمىراندارىن وسى جىلدىڭ 12 اقپانىندا ۇشىرعان ەدى. 

قاڭتار ايىنىڭ باسىندا سولتۇستىك كورەيانىڭ كوشباسشىسى كيم چەن ىن بالليستيكالىق زىمىرانداردى جاساپ جاتقاندىعىن جانە بۇل جولعى زىمىراندار الىس راديۋستا ىسكە قوسىلىپ، امەريكا جاعالاۋىنا دەيىن جەتەتىندىگىن ايتقان بولاتىن.

ءوز سوزىندە كيم چەن ىن: "سولتۇستىك كورەيا - ەڭ مىقتى جاۋدىڭ وزىنە توتەپ بەرە الاتىن شىعىستىڭ اسكەري دەرجاۆاسى" - دەپ، اتاپ ءوتتى.

پەنتاگون باسشىسى دجەيمس مەتتيس 3 اقپان كۇنگى وڭتۇستىك كورەياعا بارعان رەسمي ساپارىندا اقش-تىڭ وداقتاستارىنا   كحدر تاراپىنان كەز-كەلگەن يادرولىق شابۋىل جاسالاتىن بولسا، ء"تيىستى جاۋاپ" قايتارىلاتىندىعىن جەتكىزگەن بولاتىن.

فوتو: bbc.com
"رودون" بالليستيكالىق زىمىرانى

اقش پرەزيدەنتى دونالد ترامپ رەسمي سايلانار الدىندا، سولتۇستىك كورەياعا اقش شەكاراسىنا جەتەتىن يادرولىق زىمىران جاساۋىنا  مۇمكىندىك بەرمەيتىنىن ايتىپ جانە قىتايدى ۆاشينگتون مەن كحدر اراسىنداعى ماسەلەلەردى شەشۋدە كومەكتەسپەي جاتقاندىعىن سىنعا الىپ ەدى.

سولتۇستىك  كورەيالىق زىمىراندار تۋرالى باعدارلاما  اسا قۇپيا تۇردە جاسالىپ جاتىر. ول تۋرالى كەز-كەلگەن اقپارات الۋ مۇمكىن ەمەس بولىپ وتىر. تەك ۇشىرىلعان كەزدەگى پارامەترلەرىن قاداعالاۋ ارقىلى ازداعان اقپاراتقا قول جەتكىزۋگە بولادى.

"The Qazaq Times"