ترامپ اقش ارمياسىن اشىقتان-اشىق باسقىنشىلىق سوعىسقا جەلىكتىردى

اقش پرەزيدەنتى دونالد ترامپ: "بىزگە 12 اۆياماتكا (اۆيانوسەتس)*  كەرەك. اقش ارمياسىن ەڭ جاڭا قارۋ جاراقتارمەن جاساقتايمىز. ەگەر سوعىس تۋىلسا، تەك قانا اقش ارمياسى جەڭەتىن بولادى!", – دەدى "فورت" اۆياماتكاسىنىڭ ۇستىندە تۇرىپ. بۇل اۆياماتكا اقش تەڭىز ارمياسى قۇرىلعاننان بەرى جابدىقتالعان ەڭ جاڭا، جاسالۋ قۇنى ەڭ جوعارى اسكەري اۋىر تەحنيكا سانالادى. 2 ناۋرىزداعى، الپاۋىت ەلدىڭ ايباتىن ءتىپتى دە اسىرا ءتۇسۋدى كوزدەگەن اقش پرەزيدەنتىنىڭ بۇل ءسوزى، الەمدىك باق-تى ءدۇر سىلكىندىردى. بۇل تۋرالى قىتايلىق Xinhua اگەنتتىگىنىڭ رەسمي سايتى حابارلاپ وتىر.

اقش جاڭا اۆياماتكاسى. فوتو: Daily Mail

ترامپتىڭ قىسقا عانا سوزىنە 22 رەت قۇرمەت شاپالاعى سوعىلعانى دا اقش تەلەارنالارىندا كوپ رەت تارقاتىلدى. الايدا، تانىمال CNN ارناسى اقش پرەزيدەنتىنىڭ بايانداما جاساۋ بارىسىندا قىزۋقاندىلىققا بوي الدىرعانىن سىنعا الدى. سونىمەن بىرگە، اقش-تىڭ 43-ءشى كەزەكتى پرەزيدەنتى كىشى بۋشتىڭ   2003 جىلى "Lin ken" اتتى اۆياماتكا ۇستىندە لەپىرە سويلەپ: " ءبىز يراك سوعىسىن شۇعىلالى جەڭىسپەن قىسقا ۋاقىت ىشىندە اقىرلاستىراتىن بولامىز", - دەگەنىن ەسكە تۇسىرە وتىرىپ، اقش ارمياسى ءəلى كۇنگە دەيىن يراكتا وق پەن وتتىڭ اراسىندا سوعىسىپ جۇرگەنىن ايتىپ ءوتتى.

قىتاي جانە رەسەي əسكەري ىستەرى ماماندارىنىڭ پىكىرىنشە، اقش-تىڭ əسكەري قاراجاتى، اۆياماتكاسى، سوعىس كۇش قۋاتى قاتارلى جاقتاردان باسقا ەلدەردى əلدەقاشان ارتقا تاستادى. دەگەنمەن، ترامپتىڭ ارميا قۋاتىن ءتىپتى دە كۇشەيتەمىن دەپ ۇران سالۋى، "قىرعي قاباق سوعىستىڭ" كەزىن ەسكە سالادى، ءəرى، ونىڭ ستراتەگياسى دا سول داۋىردەگىدەن اينىمايدى.

اقش قورعانىس ءمينيسترى مەتتيسستىڭ سەرىك بولۋىمەن، اسكەري كيىم كيىنگەن ترامپ: ء"بىز اقش-تىڭ بەدەلىنە ساي كەلەتىن ءىرى «دۋلىعا» دايىنداپ جاتقانىمىزدى بۇرىن دا ايتقانبىز. بۇگىنگى ەرەكشە كۇندە، ءبىز، وسى «دۋلىعانى» باسىمىزعا كيىپ كورەيىك. اۆياماتكا تەرروريزمگە سوققى بەرىپ، قاۋىپسىزدىكتى كۇشەيتۋىمىز ءۇشىن كەرەك. اقش تەڭىز ارمياسىنىڭ مىندەتى ەل تەرريتورياسىندا سوعىس جاساۋ ەمەس، شەكارامىزدان تىسقارى تەڭىزدەردە سوعىسۋ", – دەپ سالدى. ول جانە: «ۇستىندە 70 شابۋىلشى ۇشاق، 4500 قارۋلى əسكەريلەر ارەكەت جاساي الاتىن "فورتتىڭ" قازىرگى كۇندە الەمدە ەشبىر تەڭدەسى جوق. ءبىز مۇنداي ءىرى قۇرىلعىنىڭ ەلدەن تىس جەردە شابۋىلعا شىعۋىن قالامايمىز", – دەپ سالدى.

بۇل ءسوزىنىڭ سالماعى جەتپەگەندەي وسىنداي اۋىر اسكەري تەحنيكادان تاعى 12 داناسى كەرەك ەكەنىن ايتتى. اقش پرەزيدەنتتىنىڭ بۇل ءسوزى الەمنىڭ ساياساتكەرلەرى مەن ساراپشىلاردىڭ ساناسىن سان ساققا جۇگىرتتى.  ونىڭ ءسوزى امەريكالىقتارعا تىپتەن اسەرلى بولعانى انىق. پرەزيدەنتتەرىنىڭ بايانداماسىن قىزىعا تىڭدادى، ءارى «قۋاتى جوعارى ەڭ ۇلى ءسوزى بولدى» دەپ باعالادى.

اۋد: ادىلەت احمەتۇلى

*اۆياماتكا (اۆيانوسەتس) –  تەڭىز-مۇحيتتا قولدانىلاتىن اسكەري اۋىر تەحنيكا. سوعىس ۇشاقتارىنىڭ ۇشىپ-قونۋىنا، اسكەري تاسىمالىنا جانە قولباسشىلىق بازاسى رەتىندە پايدالانىلاتىن الىپ سوعىس كەمەسى، – رەد.  

“The Qazaq Times”