اقش پرەزيدەنتى دونالد ترامپ يرانعا قاتىستى تاعى دا مالىمدەمە جاسادى، ونىڭ اقش-يران قايشىلىعىنا بايلانىستى سوڭعى مالىمدەمەسىن قاتاڭ پوزيتسياسىن اڭعارتقانداي بولدى. ول يران تارابىنان ارقانداي ءبىر شابۋىل جاسالاتىن بولسا اياۋسىز سوققى بەرەتىنىن جەتكىزدى. 

پرەزيدەنت ترامپ كەزەكتى مالىمدەمەسىندە، يران رەجيمىن ايىپتاي كەلىپ، يران حالقى "تەھراننىڭ دۇرىس بولماعان ساياساتتارى ءۇشىن زارداپ شەگىپ جاتقانىن", الداعى ۋاقىتتا اقش-قا قارسى قانداي دا ءبىر شابۋىل جاۋاپسىز قالمايتىنىن، يرانعا اياۋسىز سوققى بەرەتىنىن ايتقان. ول جانە اقش-تىڭ اسكەري قۋاتىنا كوبىرەك توقتالعان. "اقش الەمدەگى ەڭ قۋاتتى ارميانىڭ يەسى. سوڭعى ەكى جىلدىڭ وزىندە قارۋلى كۇشتەرگە 1,5 تريلليون دوللار كولەمىندە ينۆەستيتسيا سالىنعان", – دەگەن.

اقش پرەزيدەنتى وتكەن اپتادا دا يرانعا قارسى قارۋلى وپەراتسيالار تۋرالى مالىمدەگەن بولاتىن. بىرقاتار ساراپشىلاردىڭ پىكىرىنشە، قىسقا ۋاقىت ىشىندە اقش يرانعا قارسى اۋە وپەراتسياسىن جاساۋى مۇمكىن. پرەزيدەنت ترامپتىڭ يراننىڭ امەريكالىق ۇشقىشسىز ۇشۋ قۇرىلعىسىن اتىپ ءتۇسىرۋ ارەكەتىنە قارسى سانكتسيامەن شەكتەلۋى ترامپ ۇكىمەتىنىڭ شاراسىزدىعى دەپ ساناعان. الايدا، ۋاقىت وتكەن سايىن ەكى ەل اراسىنداعى شيەلەنىس ۋشىعىپ، كەلىسسوزدىڭ مۇمكىندىگى ازايۋدا.

“The Qazaq Times”