ترامپتىڭ ۇلىنىڭ ءسۇريا (سيريا) ماسەلەسىنە قاتىسى بارى انىقتالدى

اقش پرەزيدەنتى دونالد ترامپتىڭ ۇلكەن ۇلى وتكەن جىلدىڭ سوڭىندا فرانتسيادا وتكەن ءبىر رەتكى تالقى كونفەرەنتسياسىنا قاتىسقانى ءۇشىن كەمىندە 50 مىڭ اقش دوللارى كولەمىندە اقى العان. ال، ءسۇريا (سيريا) سوعىسىن توقتاتۋ ماسەلەسىندە، سول تالقى كونفەرەنتسياسىنىڭ باس كەيىپكەرلەرى بولعان ترامپتىڭ ۇلكەن ۇلى مەن ايەلى رەسەي تارابىنىڭ نەگىزگى قولداۋشىسى بولعان.

دونالد ترامپتىڭ ۇلى Donald Trump Jr. وتكەن جىلى قازان ايىندا پاريجدەگى ريتس قوناق ۇيىندە ساياسي جانە ديپلوماتيا ورتالىعى ۇيىمداستىرعان كەشى قوناقاسىعا قاتىستى. اقش اقپارات قۇرالدارىنىڭ حابارىنشا، ەۋروپا جانە اراب شەنەۋنىكتەرى، ورتالىق پرەزيدەنتى فابەن باسساتتىڭ (Fabien Baussart) ءسۇريادا تۋىلعان ايەلى راندا كاسسيس تە (Randa Kassis) باستان اياق رەسەي تارابىمەن ىمىرادا بولىپ، ءسۇريا ازاماتتىق سوعىسىن اقىرلاسۋدان ۇمىتكەرلىك تانىتتى. ال، ءسۇريا پرەزيدەنتتى باشار اسساد بولسا، رەسمي تۇردە رف پرەزيدەنتى ۆلاديمير ءپۋتيندى نوبەل سىيلىعىنا ۇسىنعان بولاتىن.

كاسسيس بولسا بەدەلدى رەسەي ساياسي فراكتسياسىن قولداۋشىلاردىڭ ءبىرى. بۇل ساياسي توپتار قازىردىڭ وزىندە ءسۇريا ىشكى سوعىسىن توقتاتۋ تۋرالى كەلىسسوزدەردە ءجۇر. ال كەشتىڭ باس كەيىپكەرى ەرلى-زايىپتىلار بولسا وزدەرىنىڭ رەسەيشىل تاراپ ەمەستىگىن، بارىنشا ءسۇريا ىشكى سوعىسىن توقتاتۋدى قالايتىن تاراپتار ەكەنىن ايتىپ ءوتتى.

ترامپتىڭ ۇلكەن ۇلى Donald Trump Jr بولسا، اكەسى قۇرعان «ترامپ تۇراقتى مۇلىك كومپانياسىنىڭ» اتقارۋشى-ۆيتسە پرەزيدەنتى. سونداي-اق، پرەزيدەنت كومانداسىنىڭ جوعارى لاۋازىمدى وكىلدەرىنىڭ ءبىرى. ول امەريكالىق «The Wall Street Journal» باسىلىمىنىڭ سۇحباتىن قابىلداعاندا CPFA-عا قاتىسقانى ءۇشىن 50 مىڭ اقش دوللارىن العانىن مويىندامادى.

“The Qazaq Times”