تۇركيا مەن گرەكيا ەگەي تەڭىزىندە ىنتىماقتاستىق ورناتپاق. فوتو: cyprus-mail.com.

تۇركيا مەن گرەكيا اراسىنداعى قورعانىس ىنتىماقتاستىعىن دامىتۋ ماقساتىنداعى كەزدەسۋلەر كەشە انكارادا ەكىنشى كەزەگىن باستادى. بۇل ىنتىماقتاستىق ەگەي تەڭىزىندە قورعانىستى شارالارىن ورتاقتاستىرۋدى ماقسات ەتكەن. 

تۇركيا قورعانىس مينيسترلىگى تاراتقان مالىمدەمدە، ەكى ەلدىڭ قورعانىس وكىلدەرى انكارادا كەزدەسىپ، ەگەي تەڭىزىندەگى ىنتىماقتاستىق شارالاردى تالقىلاۋدا. كەزدەسۋ 21 ماۋسىمعا دەيىن جالعاسادى. ناتيجەسىندە، تۇركيا مەن گرەكيا اراسىندا اسكەري وقۋ-جاتتىعۋلار، ۇلتتىق قورعانىس سالالارىنىڭ قىزمەتىن ۇيلەستىرۋ جۇمىستارى جوسپارلانادى.

بۇعان دەيىن گرەكيا مەن تۇركيا اراسىندا ەگەي تەڭىزىندەگى ۇساق ارالداردىڭ يەلىك قۇقىعىنا بايلانىستى تاريحي داۋ-داماي ساقتالىپ كەلگەن. بۇعازداردىڭ باقىلاۋ، شارلاۋ كەزدەرىندە ەكى تاراپتىڭ اسكەري كەمەلەرى ءجيى ۇشىراسىپ، افينا مەن انكارا اراسىنداعى ديپلوماتيالىق قاتىناستاردى ناشارلاتقان ەدى.

قورعانىس سالاسىنداعى ىنتىماقتاستىقتى دامىتۋ ماقساتىنداعى كەزدەسۋلەر العاش رەت بۇدان ءبىر اي بۇرىن افينا قالاسىندا وتكەن. تاراپتار ەگەي تەڭىزىنىڭ قاۋىپسىزدىگىن ورتاق قامتاماسىز ەتۋ ماقساتىندا ىنتىماقتاستىققا قول جەتكىزدى.

“The Qazaq Times”