تۇرىكتەردىڭ اقپارات قۇرالدارى تۇركيا ۇلتتىق ماجىلىسىنە تەررورلىق شابۋىل جاسالماق بولعانىن حابارلادى. حابارعا قاراعاندا ۇلتتىق ءماجىلىس سارايىنا كىرگەن ەكى كۇدىكتى قىزمەتكەرلەردى كەپىلگە الۋعا ارەكەت ەتكەن.

تۇركيالىق «انادولى» اقپارات اگەنتتىگى تاراتقان حاباردا، قاۋىپسىزدىك قىزمەتكەرلەرى دەر كەزىندە شابۋىلدىڭ الدىن الىپ، كۇدىكتىلەردى تۇتقىنداعانى ايتىلادى.  كۇدىكتىلەر تۋرالى قانداي دا ءبىر مالىمەت بەرىلمەگەن. الايدا، قاۋىپسىزدىك قىزمەتكەرلەرى كۇدىكتىلەردىڭ سول ەل تارابىنان تەررورلىق ۇيىم رەتىندە تانىلعان DHKP-C توپتارىمەن قاتىسى بار ەكەنىن ايتادى.

تۇرىك اقپارات قۇرالدارى كۇدىكتىلەردىڭ سۋرەتتەرىن جاريا ەتتى. فوتو: Sputnik Türkiye.

مالىمەتكە قاراعاندا، كۇدىكتىلەردىڭ  بۇعان دەيىن دە تەرروريستىك شابۋىلدارعا قاتىسى بار ەكەنى انىقتالعان جانە ءتىنتۋ كەزىندە كيىمدەرىنە جارىلعىش زات سالۋعا ارنالعان قۇتىلار دا تابىلعان.

 “The Qazaq Times”