يران مەن پاكىستان بىرككەن كۇش قۇرۋى مۇمكىن

يران مەن پاكىستان ەكونوميكا، ينفراقۇرىلىم جانە قاۋىپسىزدىك سالاسىندا ىنتىماقتاستىقتى تەرەڭدەتۋگە كەلىستى. بۇنداي كەلىسىم كەشە يران ورتالىق قالاسى تەھراندا وتكەن ەكىجاقتى جوعارى دەڭگەيدەگى كەزدەسۋدە جاسالدى.

پاكىستان پرەمەر-ءمينيسترى يرمان حاننىڭ يران ساپارى كەزىندە ەكى ەل ۇكىمەت باسشىلارى كەڭەيتىلگەن كەزدەسۋدە بىرقاتار جاڭا كەلىسىمدەردى جاڭارتتى. يران پرەزيدەنتى حاسان رۋحاني يران-پاكىستان قاتىناسى تۋرالى ايتا كەلە، ەكى ەلدىڭ ىنتىماقتاستىعىن تەرەڭدەتۋ ءۇشىن وزگە ەلدەردىڭ ارالاسۋىنا جول قويماۋ كەرەكتىگىن باسا ايتتى.

يران-پاكىستان اراسىندا ترانسشەكارالىق تەرروريزممەن كۇرەس جونىندە كەلىسىم جاسالدى. يران پرەزيدەنتى ەكى ەل شەكارالىق ماسەلەلەردى جەدەل شەشەتىن جانە قاۋىپسىزدىكتى ساقتايتىن بىرىككەن كۇش قۇرۋدى ۇسىندى. پاكىستان تارابى دا يراندى تەرروريزمگە قارسى كۇرەستە قولدايتىنىن ءبىلدىردى.

“The Qazaq Times”