كسرو قۇرامىندا ونەر كورسەتىپ، ەكى دۇركىن وليمپيادا، توعىز دۇركىن الەم چەمپيونى اتانعان ۆلاديمير پەتروۆ 70 جاسقا كەلگەن شاعىندا دۇنيەدەن ءوتتى دەپ مالىمدەدى رەسەيدىڭ حوككەي فەدەراتسياسىنىڭ وكىلدەرى.
ۆلاديمير پەتروۆ اتاعى الەمگە جايىلعان «كەرەمەت ۇشتىكتىڭ» قۇرامىندا بوريس ميحايلوۆ جانە ۆالەري حارلاموۆتارمەن بىرگە ويناعان. بۇل «ۇشتىكتى» ءالى كۇنگە دەيىن الەمدىك حوككەي تاريحىنداعى ەڭ ۇزدىك ويىنشىلار دەپ بىلەدى.
فوتو: ر-سپورت
كسرو-نىڭ باستى قۇراماسىندا شابۋىلداۋشى پوزيتسياسىندا ويىن ورنەگىن كورسەتكەن تۇستا كوماندا الەمدىك باسەكەلەستىكتەردە بىرنەشە مارتە توپ جارعان. ىشكى چەمپيوناتتاردا 553 مارتە ويناپ، 370 شايبا كىرگىزگەن.
اتالمىش «كەرەمەت ۇشتىكتىڭ» قۇرامىندا پەتروۆ 11 جىل ويناپ، اناتولي تاراسوۆتىڭ ترەنەر رەتىندەگى ەڭ ۇزدىك جۇمىس دەپ تانىلدى.
فوتو: TopRE.ru
پەتروۆتىڭ ءوزى ترەنەرى جايلى: «اناتولي – ءبىزدىڭ حوككەيدى ءالى كۇنگە دەيىن العا جەتەلەپ كەلە جاتقان جولعا سالىپ كەتكەن ادام» - دەپ، ايتىپ كەتكەن بولاتىن.
سپورتتاعى مانسابىن اياقتاعاننان كەيىن ۆلاديمير پەتروۆ جاتتىقتىرۋشى قىزمەتىن اتقارىپ، ال 1992 جىلى رەسەيدىڭ حوككەي فەدەراتسياسىن باسقارعان بولاتىن. ال 1993 رەسەي كومانداسى الەم چەمپيوناتىندا التىن الىپ، كەرەمەت ناتيجە كورسەتتى. بۇل ناتيجەنى رەسەي قۇراماسى تەك 15 جىل وتكەننەن كەيىن عانا قايتالاي الدى.
«The Qazaq Times»
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟