قىرعىز پرەزيدەنتى سوورونباي جەەنبەكوۆ گەرمانياعا ءىسساپارى بارىسىندا گەرمانيا كانتسلەرى انگەلا مەركەلمەن كەزدەستى. كەزدەسۋ بارىسىندا ەكى ەل ۇكىمەتى 10-نان استام قۇجاتقا قول قويدى.

سوورونباي جەەنبەكوۆ گەرمانياعا ساپارىن قورتىندىلادى، ونىڭ ايتۋىنشا، كەزدەسۋ ءساتتى وتكەن.

ء"بىز وسى ساپار بارىسىندا قىرعىز-نەمىس بيزنەس فورۋمىن وتكىزدىك. ەكونوميكالىق بايلانىسىمىزدى ودان ءارى دامىتىپ، جاقسى ناتيجەلەرگە قول جەتكىزدىك. ناتيجەسىندە، ەكى ەل ۇكىمەتى مەن ۆەدومستۆوسى اراسىندا 10-نان استام قۇجاتقا قول قويدى. سونىمەن بىرگە، ەكى ەلدىڭ كاسىپكەرلەرى دە بىرقاتار كەلىسىمدەرگە كەلدى. ولار قۇنى 1 ملرد ەۋرونى قۇرايتىن كەلىسىمگە قول قويدى", - دەدى قىرعىز پرەزيدەنتى.

سونداي-اق، ول قىرعىزستان مەن گەرمانيا اراسىنداعى ىنتىماقتاستىقتىڭ پەرسپەكتيۆالىق باعىتتارى ساۋدا-ەكونوميكالىق، گيدروەنەرگەتيكا، ونەركاسىپ، جاسىل ەكونوميكانى دامىتۋ، اۋىل شارۋاشىلىعى جانە تۋريزم ەكەنىن اتاپ ءوتتى. سونىمەن بىرگە، قىرعىزستان ءۇشىن نەمىس ينۆەستيتسياسىن تارتۋ، شاعىن جانە ورتا بيزنەسكە قولايلى ورتا جاساۋ، اۋىل شارۋىشىلىعىن دامىتۋدىڭ مىڭىزدىلىعىنا توقتالدى.

"The Qazaq Times"