Қырғыз президенті Сооронбай Жээнбеков Германияға іссапары барысында Германия канцлері Ангела Меркелмен кездесті. Кездесу барысында екі ел үкіметі 10-нан астам құжатқа қол қойды.

Сооронбай Жээнбеков Германияға сапарын қортындылады, оның айтуынша, кездесу сәтті өткен.

"Біз осы сапар барысында қырғыз-неміс бизнес форумын өткіздік. Экономикалық байланысымызды одан әрі дамытып, жақсы нәтижелерге қол жеткіздік. Нәтижесінде, екі ел үкіметі мен ведомствосы арасында 10-нан астам құжатқа қол қойды. Сонымен бірге, екі елдің кәсіпкерлері де бірқатар келісімдерге келді. Олар құны 1 млрд еуроны құрайтын келісімге қол қойды", - деді қырғыз президенті.

Сондай-ақ, ол Қырғызстан мен Германия арасындағы ынтымақтастықтың перспективалық бағыттары сауда-экономикалық, гидроэнергетика, өнеркәсіп, жасыл экономиканы дамыту, ауыл шаруашылығы және туризм екенін атап өтті. Сонымен бірге, Қырғызстан үшін неміс инвестициясын тарту, шағын және орта бизнеске қолайлы орта жасау, ауыл шаруышылығын дамытудың мыңыздылығына тоқталды.

"The Qazaq Times"