بريتانيا تۇركيانىڭ تالابىن ورىندامادى

تۇركيانىڭ فەتحۋللاح گۇلەننىڭ جاقتاستارىن ۇستاپ بەرۋ تۋرالى تالابىن ۇلىبريتانيا قابىلدامادى. بريتانيانىڭ بۇل جاۋابىنا تۇرىك ءسىم وكىلى حامي اكسوي ارنايى مالىمدەمەسىندە سىنعا الدى.

تۇركيا ۇكىمەتى وسىدان بۇرىن بريتانيا ۇكىمەتىنەن حاميد اكىن يپەك، الي چەليك، تاليپ بۇيۇك جانە ءمۇسافا يەشىل قاتارلى گۇلەنشىلەردى ۇستاپ بەرۋدى تالاپ ەتكەن بولاتىن. الايدا، لوندون انكارانىڭ بۇل تالابىن قاناعاتتاندىرعان جوق.

بۇگىن تۇستكەن بۇرىن تۇركيا سىرتقى ىستەر ءمينيسترى حامي اكسوي جازباشا مالىمدەمە جاساپ: «بريتان بيلىگىنىڭ تەررورلىق توپتىڭ مۇشەلەرىن ۇستاپ ەلىمىزگە قايتارۋ تالابىمىزدى ورىنداماۋى سوت شەشىمىنىڭ بۇزىلعانىن كورسەتەدى. وكىنىشكە وراي، ءبىزدىڭ اپپەلياتسياعا بەرۋ تۋرالى سۇراۋىمىز دا قاناعاتتاندىرىلمادى»، – دەگەن.

انكارا بيلىگى تارابىنان تەررورلىق ۇيىم دەپ تانىلعان فەتحۋللاح گۇلەننىڭ ۇيىمى «15 شىلدە توڭكەرىسىن» ۇيىمداستىردى دەپ ايىپتالعان. رەسمي مالىمەتتەردە، اتالعان توڭكەرىستە 251 ادام قازا تاۋىپ، مىڭداعان ادام زارداپ شەككەن.

“The Qazaq Times”