بريتان ۇكىمەتى ءيزرايلدىڭ جاڭا شەشىمىن ايىپتادى

يزرايل پرەمەر-ءمينيسترى اسكەري كۇشپەن، تاعى باسقا دا جولدارمەن باسىپ العان تەرريتوريالارعا ەۆرەي ەلدى مەكەندەرىن سالۋ تۋرالى جوباسىن جاريا ەتۋى حالىقارالىق داۋ تۋدىردى. بۇعان الدىنعىلاردىڭ ءبىرى بولىپ بريتانيا قارسى شىقتى. بريتانيا تارابى مالىمدەمە جاساپ، جاۋلاپ العان باتىس شەريا جەرىندەگى ەلدى مەكەندەردى كوبەيتۋ تۋرالى جوبانى سىنعا العان.

بريتانيانىڭ كەزەكتى قاتال تۇردەگى ايىپتاۋىن ورتا شىعىس ىستەرىنە جاۋاپتى ارنايى لاۋازىمدى مارك فيەلد جاسادى. ول باتىس شەريادا جاڭا ەلدى مەكەندەردى كوبەيتۋ جوسپارى حالىقارالىق ەرەجەلەردى مەنسىنبەۋ جانە حالىقارالىق قاۋىمداستىقتى كوزگە ىلمەۋ دەپ باعالاعان.

اعىلشىن لاۋازىمدىسى يزرايل بيلىگىن حالىقارالىق ءتارتىپتى بۇلدىرەتىن ارەكەتتى تەز ارادا توقتاتۋعا شاقىرعان.

باتىس شەريا جەرى 1967 جىلى يزرايل جاعىنان باسىپ الىنعان. قازىرگى كەزدە بۇل اۋماقتا 250-گە جۋىق زاڭسىز سالىنعان ەلدى مەكەندەر بار، ولاردا 400 مىڭنان استام ەۆرەي ءومىر سۇرۋدە.

“The Qazaq Times”