پۋتين نەتانياحۋعا قوڭىراۋ شالدى

رەسەي مەن يزرايل باسشىلارى تەلەفوندا تاياۋ شىعىستىڭ ەڭ نەگىزگى تاقىرىپتارىن تالقىلادى. بۇل تۋرالى كرەملدىڭ ءباسپاسوز قىزمەتى ارنايى مالىمدەمە جاساعان.

رەسەي پرەزيدەنتى ۆلاديمير پۋتين يزرايل پرەمەر-ءمينيسترى بەنيامين نەتانياحۋعا قوڭىراۋ شالىپ، بىرقاتار ماڭىزدى ماسەلەلەر جونىندە اڭگىمەلەسكەن. ايتالىق، سويلەسۋ كەزىندە رەسەي-يزرايل اراسىنداعى اسكەري بايلانىستار، ىنتىماقتاستىقتى دامىتۋ، سونداي-اق، تاياۋ شىعىستاعى كۇردەلى ماسەلەلەردى تالقىلاعان.

بۇدان كەيىنگى كرەمل حابارىندا، ەرتەڭ، 4 ءساۋىر كۇنى نەتانياحۋدىڭ ماسكەۋگە قىسقا مەرزىمدىك ساپارمەن كەلەتىنى ايتىلعان.

وسىدان بۇرىن نەتانياحۋ ۆلاديميرگە «ءسۇريا داعدارىسىن شەشۋدىڭ جاڭا جوباسىن» اتتى تاياۋ شىعىس داعدارىسىنا قاتىستى تىڭ جوبانى ۇسىندى دەگەن مالىمەتتەر تاراعان. الايدا، كرەمل تارابى بۇنداي مالىمەتتى جوققا شىعارىپ، ءسۇريا داعدارىسى اشىق ءارى ورتاق شەشىم تاباتىنىن ايتقان.

سوڭعى كەزدەرى يزرايل مەن توڭىرەگىندەگى اراب ەلدەرى اراسىنداعى قايشىلىق تاعى ءبىر ساتىعا جوعارلادى. بۇعان قۇراما شتاتتاردىڭ پرەزيدەنتى قول قويعان "دولان جوتاسىن" يزرايل تەرريتورياسى رەتىندە مويىندالعان قۇجات سەبەپ بولعان ەدى.

“The Qazaq Times”