پالەستينالىقتار بۇگىن حالىقتىق ەرەۋىل جاساماق. فوتو: كوررەسپوندەنت.net.

 يزرايل پرەمەر-ءمينيسترى بەنيامين نەتانياحۋ يزرايل اسكەري كۇشتەرى گازا سەكتورىنا وپەراتسيا جاساۋى مۇمكىن ەكەنىن ەسكەرتتى. ول بۇعان قاتىستى مالىمدەمەسىن گازا شەكاراسىنداعى يزرايل اسكەرلەرىمەن كەزدەسۋ كەزىندە ايتتى.

«ەگەر كەرەك بولعان جاعدايدا گازاعا كەڭ كولەمدى اسكەري وپەراتسيا جاسايمىز»، – دەدى ەۆرەي ەلىنىڭ باسشىسى ءوز مالىمدەمەسىندە. ول سونداي-اق، بۇل وپەراتسياعا بارلىق يزرايل ازاماتى دايىن بولۋىن ەسكەرتكەن.

وسى اپتانىڭ باس شەنىندە بەنيامين نەتانياحۋ قاتىسقان قاۋىپسىزدىك جونىندەگى جوعارى لاۋازىمدىلاردىڭ جينالىسىندا گازا شەكاراسىنداعى يزرايل اسكەرلەرىنىڭ سانىن كوبەيتۋ تۋرالى شەشىم قابىلدانعان بولاتىن.

ال، بۇگىن پالەستينا تارابى شەكارا كۇنىنىڭ 43 جىلدىعىنا وراي كەڭە كولەمدى حالىقتىق ەرەۋىل ۇيىمداستىرماق. وسىعان وراي ءار جىلى يزرايل تارابى گازا سەكتورىندا اسكەري كۇشتەرىن كوبەيتەدى.  

“The Qazaq Times”