قىرعىزستانداعى ورىس ءتىلىنىڭ رەسمي مارتەبەسى ساقتالادى. بۇل تۋرالى قىرعىز رەسپۋبليكاسىنىڭ جانە رەسەيدىڭ جوعارى وقۋ ورىندارى رەكتورلارىنىڭ «عىلىم مەن ءبىلىمنىڭ دامۋى - بولاشاققا قۇيىلعان ينۆەستيتسيا» اتتى فورۋمدا قىرعىز پرەزيدەنتى سوورونباي جەەنبەكوۆ ايتتى.
"تاعى دا باسا ايتام، ورىس ءتىلىنىڭ قىرعىزستاندا رەسمي مارتەبەسى بار جانە بولاشاقتا دا بولماق", - دەدى پرەزيدەنت.
سونىمەن بىرگە، قىرعىزدىڭ مەملەكەت باسشىسى رەسەيلىك عىلىمي ينتەلەگەنتسيا وكىلدەرىن بالاما ەنەرگەتيكا مەن گيدروەنەرگەتيكا، سۋ جانە تاۋ تۋرالى زەرتتەۋلەر، ساپالى مەديتسينا، ەكولوگيالىق تازا تۇقىم مەن تاماق ونىمدەرىن ءوندىرۋ سەكىلدى باعىتتا بىرىگىپ جۇمىس ىستەۋگە شاقىردى.
ايتا كەتەيىك، وسى جىلدىڭ قاڭتار ايىندا قىرعىزستاندىق بەلسەندىلەر ورىس ءتىلىن الىپ تاستاۋدى ۇسىنعان بولاتىن. بەلسەندىلەردىڭ ۇسىنىسى بويىنشا، قىرعىزستان تولىقتاي پارلامەنتتىك باسقارۋ جۇيەسىنە كوشۋى ءتيىس جانە زاڭ شىعارىلعاندا ورىس تىلىنە اۋدارىلماۋى كەرەك. ول ءۇشىن ورىس تىلىنە بەرىلگەن «رەسمي ءتىل» مارتەبەسىن الىپ تاستاۋ قاجەت. بۇدان بولەك، بەلسەندىلەر كۇزدە حالىقتىق رەفەرەندۋم وتكىزۋ ءۇشىن 10 مىڭ قول جينايتىندارىن دا اتاپ ءوتتى.
سونداي-اق، ايتا كەتۋ كەرەك، رەسەي پرەزيدەنتى ۆلاديمير پۋتين ەرتەڭ، ياعني، 28 ناۋرىزدا قىرعىزستانعا رەسمي ساپارمەن كەلمەك. كەزدەسۋ بارىسىندا 30-عا جۋىق قۇجاتتارعا قول قويىلادى دەپ جوسپارلانۋدا.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
