Photo: gov.uz

وزبەكستان پرەزيدەنتى شاۆكات ميرزيەەۆ پەن ءابۋ-دابي حانزاداسى شەيح مۋحاممەد بين زايد ءال ناحايان بىرىككەن اراب امىرلىگىنىڭ استاناسىندا وتكەن كەلىسسوزدەر بارىسىندا قۇنى 10 ميلليارد دوللار بولاتىن كەلىسىمگە قول قويدى.

وزبەكستان مەن ءباا اراسىنداعى بىرلەسكەن مالىمدەمە قابىلدانىپ، قوس تاراپ ينۆەستيتسيا، قارجى، بالامالى ەنەرگەتيكا، اۋىل شارۋاشىلىعى جانە كەدەندىك اكىمشىلىك سالاسىنداعى ىنتىماقتاستىق تۋرالى كەلىسىمگە قول قويدى. ونىڭ جالپى قۇنى 10 ميلليارد دوللاردى قۇرادى.

رەسمي مالىمەتتەرگە سايكەس، 2018 جىلى وزبەكستان مەن بىرىككەن اراب امىرلىكتەرى اراسىنداعى تاۋار اينالىمى شامامەن 400 ميلليون اقش دوللارىن قۇراعان. كەزدەسۋ بارىسىندا وزبەكستان پرەزيدەنتى بۇل كورسەتكىش وتكەن جىلدارمەن سالىستىرعاندا الدەقايدا كوپ ەكەندىگىن اتاپ ءوتتى. سونداي-اق، ەكىجاقتى ىنتىماقتاستىقتى جان-جاقتى كەڭەيتۋ، ساۋدا-ەكونوميكالىق، ينۆەستيتسيالىق، يننوۆاتسيالىق، بانكتىك، قارجىلىق، مادەني-گۋمانيتارلىق جانە باسقا سالالاردا پراكتيكالىق ىنتىماقتاستىقتى نىعايتۋ ماسەلەلەرى تالقىلاندى.

سونىمەن بىرگە، كەزدەسۋ بارىسىندا تۋريزم سالاسىنا ەرەكشە نازار اۋدارىلدى. رەسمي مالىمەتتەرگە سايكەس، وزبەك حالقى اتا-بابالارىنىڭ كەسەنەلەرى مەن ەلدىڭ تابيعاتى اراب امىرلىگى تۇرعىندارى اراسىندا ۇلكەن قىزىعۋشىلىق تۋدىرادى. ماسەلەن، وتكەن جىلى ءباا-نەن وزبەكستانعا كەلگەن تۋريستەر سانى 1,5 ەسە وسكەن.

ايتا كەتەيىك، بۇعان دەيىن پرەزيدەنت ميرزيەەۆ ءباا ازاماتتارى ءۇشىن 30 كۇن مەرزىمگە ۆيزاسىز رەجيم ەنگىزۋ تۋرالى جارلىققا قول قويعان ەدى جانە 20 ناۋرىزدان باستاپ كۇشىنە ەندى.

سونداي-اق، ايتا كەتۋ كەرەك، كەشە وزبەكستان پرەزيدەنتى شاۆكات ميرزيەەۆ ءباا استاناسى ءابۋ-دابيگە ىسساپارمەن كەلگەن بولاتىن.

"The Qazaq Times"