بۇگىن قر پارلامەنتى پالاتالارىنىڭ بىرلەسكەن وتىرىسىندا قر پرەزيدەنتى قاسىم-جومارت توقاەۆ انت قابىلدادى.

«مەن قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، قازاقستان رەسپۋبليكاسى پرەزيدەنتىنىڭ وزىمە جۇكتەلگەن مارتەبەلى مىندەتىن ادال اتقارۋعا سالتاناتتى تۇردە انت ەتەمىن»، - دەدى قاسىم-جومارت توقاەۆ.

سونداي-اق، ايتا كەتۋ كەرەك، كەشە،19 ناۋرىز 2019 جىلى تىكەلەي ەفير ارقىلى جولداۋ جاساعان قر پرەزيدەنتى ن. نازارباەۆ ءوز وكىلەتتىلىگىن توقتاتاتىنى تۋرالى شەشىمىن جاريا ەتكەن ەدى. ن. نازارباەۆ سوزىندە قازاقستان رەسپۋبليكاسىنىڭ پرەزيدەنتى مىندەتىن اتقارعان ۋاقىتتاعى قاداۋ-قاداۋ تاريحي بەلەستەر تۋرالى توقتالا كەلىپ، ەڭ جوعارى لاۋازىمدى قىزمەتتەگى كەزىندە حالقىنىڭ وزىنە سەنىم ارتقانىنا العىسىن ءبىلدىردى. سونىمەن بىرگە، تۇڭعىش پرەزيدەنت ءوز مالىمدەمەسىندە قر پرەزيدەنتى مىندەتىن قاسىم-جومارت توقاەۆ اتقاراتىنىن ايتتى جانە جارلىققا قول قويدى.

"The Qazaq Times"