![](https://qazaqtimes.com/kk/content/uploads/2019/02/273369-800x480.jpg?token=8b1ec48a2ccb5a0dc557c2e25d730aad)
يران ءسىم باسشىسى وتستاۆكاعا كەتكەنىن ءوزىنىڭ الەۋمەتتىك جەلىدەگى پاراقشاسى ارقىلى مالىمدەگەن بولاتىن. مۇحاممەد جەۆاد زاريف يراننىڭ سىرتقى ىستەر ءمينيسترى رەتىندە 4 جىلعا جۋىق ۋاقىت قىزمەت ەتكەن.
«عازيز دە باتىل يران حالقى مەن قۇرمەتتى لاۋازىم يەلەرىنىڭ ماعان وسىنشا ۋاقىتتان بەرى ماعان كىشىپەيىلدىلىك تانىتقانى ءۇشىن العىسىم شەكسىز. مىندەت بارىسىندا كەتكەن كەمشىلىك، قاتەلىكتەرىمنەن كەشىرىم وتىنەمىن»، – دەگەن زاريف ءوزىنىڭ ءسىم باسشىسى قىزمەتىنەن قول ۇزەتىنىن جەتكىزگەن.
يراننىڭ اتالعان مينيسترلىگى رەسمي ءباسپاسوز ءماجىلىسىن وتكىزىپ، مينيستر ءزاريفتىڭ وتستاۆكاسىن راستادى، بىراق ونىڭ قىزمەتتەن كەتۋ سەبەبىن اشالاپ ايتپاعان.
بۇل حابار تاراعاننان كەيىن ءيزرايلدىڭ پرەمەر-ءمينيسترى بەنيامين نەتانياحۋ تىلشىلەرگە بەرگەن جاۋابىندا، ءزاريفتىڭ وتستاۆكاسى ءۇشىن قۋاناتىنىن ايتقان. ول سوزىندە: «زاريف كەتتى، ءبىرجولا كەتتى. مەن ءوز قىزمەتىمدە تۇرادى ەكەنمىن يران ەشقاشان يادرولىق قارۋ وندىرە المايدى»، – دەگەن.
ءزاريفتىڭ ءسىم باسشىسى قىزمەتى يراننىڭ حالىقارالىق ساياسي-ەكونوميكالىق قىسىمدارعا تاپ بولۋىمەن قاتار بولدى. ايتالىق، ترامپ بيلىككە كەلگەننەن كەيىن يرانمەن جاساسقان يادرولىق كەلىسىمدەردەن باس تارتىپ، ەكونوميكالىق سانكتسيالاردى قايتا ىسكە قوسقان بولاتىن. سونىمەن قاتار يران مەن ساۋد ارابياسى جانە يزرايل قاتىناسى يەمەن، ءسۇريا سوعىستارىنا بايلانىستى ناشار كۇيگە تۇسكەن ەدى.