باشار اساد يدليبكە شابۋىل جاساۋدا

سۇرياداعى باشار اساد رەجيمىنىڭ يدليبتەگى سوعىس توقتاتقان ايماققا جاساعان شابۋىلىنان 5 ادام قازا تاۋىپ، 6 ادام جاراقات الدى.

باشار اساد رەجيمىنە قاراستى قارۋلى كۇشتەر مەن يران قولداۋىنداعى قارۋلى توپتار بىرلەسە جاساعان شابۋىل يدليبدەگى «داعدارىستى ازايتۋ ايماعى» رەتىندە بەلگىلەنگەن حان-شەيحۋن اۋدانىنا جاسالعان.

ايماقتاعى وپپوزيتسيالىق توپتىڭ وكىلى حاج يۋسۋف مالىمدەمە جاساپ، باشار اساد رەجيمىنىڭ تۇرعىندار شوعىرلى ورنالاسقان ايماققا جاساعان شابۋىلىن ايىپتادى. ول سونداي-اق، شابۋىلدا 5 ادام قازا تاپقانىن، بەيبىت تۇرعىنداردى قامتىعان 6 ادامنىڭ زارداپ شەككەنىن ايتقان.

باشار اسادقا قاراستى ۇكىمەت كۇشتەرى قاڭتار ايىنان بەرى يدليب ايماعىنا اۋە جانە قۇرلىق شابۋىلىن ۇيىمداستىرىپ كەلەدى. انادولى اقپارات اگەنتتىگىنىڭ مالىمەتىنە سەنسەك، بۇل شابۋىلداردان كەمىندە 68 ادام قازا تاۋىپ، 260-تان استام ادام جاراقات العان.

 “The Qazaq Times”