اقش ۆيتسە-پرەزيدەنتى ەۋروپا ەلدەرىن يرانعا قارسى بىرىگۋگە شاقىردى

اقش-تىڭ ۆيتسە-پرەزيدەنتى مايك پەنس ەۋروپا ەلدەرىن 2015 جىلعى يران يادرولىق كەلىسىمىنەن باس تارتۋعا شاقىردى. ول جانە يراندى باستى قاۋىپ رەتىندە كورسەتتى.

پولشادا وتكەن حالىقارالىق كونفەرەنتسيادا اقش-تىڭ ۆيتسە-پرەزيدەنتى مايك پەنس ەۋروپا ەلدەرىن يراننان الاتىن مۇناي مولشەرىن ازايتۋعا، يرانمەن 2015 جىلى جاسالعان كوپجاقتى يادرولىق كەلىسىمنەن باس تارتۋعا، سونداي-اق، اقش-تىڭ يرانعا باعىتتاعان سانكتسيالارىنا سايكەسۋگە شاقىرعان.

مايك پەنس سوزىندە: «وكىنىشكە وراي، اقش-تىڭ يرانعا قارسى ساياساتىنا ەڭ جاقىن وداقتاستارىمىز ەۋروپا ەلدەرى قولداۋ كورسەتپەي وتىر. ءتىپتى سانكتسيالارىمىزدى بۇزاتىن مەحانيزمدەردى ەنگىزۋگە تىرىسادى. بۇل جاعدايى ەۋروپانىڭ وزىنە زيان كەلتىرىپ، يراندى كۇشەيتەدى»، – دەدى.

اقش-تىڭ ۇيىمداستىرۋىنداعى بۇل كونفەرەنتسياعا بىرقاتار ەلدەردىڭ ماڭىزدى لاۋازىمدىلارى قاتىسقان. كونفەرەنتسيادا اقش-تىڭ لاۋازىمدىلارى يران ورتا شىعىستاعى قاۋىپسىزدىك پەن تۇراقتىلىققا باستى قاتەر ەكەنىن كوبىرەك ورتاعا سالدى.

“The Qazaq Times”