АҚШ вице президенті Майк Пенс. Фото: Time Magazine.

АҚШ-тың вице-президенті Майк Пенс Еуропа елдерін 2015 жылғы Иран ядролық келісімінен бас тартуға шақырды. Ол және Иранды басты қауіп ретінде көрсетті.

Польшада өткен халықаралық конференцияда АҚШ-тың вице-президенті Майк Пенс Еуропа елдерін Ираннан алатын мұнай мөлшерін азайтуға, Иранмен 2015 жылы жасалған көпжақты ядролық келісімнен бас тартуға, сондай-ақ, АҚШ-тың Иранға бағыттаған санкцияларына сәйкесуге шақырған.

Майк Пенс сөзінде: «Өкінішке орай, АҚШ-тың Иранға қарсы саясатына ең жақын одақтастарымыз Еуропа елдері қолдау көрсетпей отыр. Тіпті санкцияларымызды бұзатын механизмдерді енгізуге тырысады. Бұл жағдайы Еуропаның өзіне зиян келтіріп, Иранды күшейтеді», – деді.

АҚШ-тың ұйымдастыруындағы бұл конференцияға бірқатар елдердің маңызды лауазымдылары қатысқан. Конференцияда АҚШ-тың лауазымдылары Иран Орта Шығыстағы қауіпсіздік пен тұрақтылыққа басты қатер екенін көбірек ортаға салды.

“The Qazaq Times”