«يران السىرەمەي ورتا شىعىستا بەيبىتشىلىك ورنامايدى». بۇنداي مالىمدەمەنى اقش مەملەكەتتىك حاتشىسى پولشا استاناسىندا ورتاعا سالدى. ۆارشاۆادا وتكەن «ورتا شىعىستاعى بەيبىتشىلىك پەن قاۋىپسىزدىك بولاشاعىنا قولداۋ كورسەتۋ» اتتى كونفەرەنتسيادا مايك پومپەو اقش-تىڭ يرانعا قاراتقان ساياساتى تۋرالى توقتالدى.

ۆارشاۆاداعى اتالعان كونفەرەنتسيا قۇراما شتاتتىڭ باس بولۋىمەن ۇيىمداستىرىلعان. بەتاشار ءسوزىن سويلەگەن پومپەو اقش-تىڭ ورتا شىعىستاعى، اسىرەسە يرانعا قاراتقان ساياساتى تۋرالى كوبىرەك توقتالدى. ونىڭ ايتۋىنشا، يران يەمەن، ليۆان، ءسۇريا جانە يراك ەلدەرىندەگى اسكەري-ساياسي ارەكەتتەرى تىم قاۋىپتى.

پومپەو سوزىندە: «يراننىڭ ليۆان، ءسۇريا، يراك جانە يەمەن ەلدەرىندە جاقتاستارى بار، بۇلار ۇلكەن قاۋىپ. سوندىقتان دا، اقش يراندى السىرەتپەي، وڭىردە بەيبىتشىلىك پەن تۇراقتىلىق ورناتىلمايدى»، – دەدى.

كونفەرەنتسيادان كەيىن اقش مەملەكەتتىك حاتشىسى يزرايل پرەمەر-ءمينيسترى بەنيامين نەتانياحۋمەن بىرلەسكەن ءباسپاسوز ءماسليحاتىن وتكىزدى. ءباسپاسوز جيىنىندا يزرايل پرەمەرى كەزەكتى كونفەرەنتسيا تۋرالى باعا بەرىپ، كەزەكتى جيىندى ورتا شىعىس ماسەلەسى ءۇشىن «تاريحي بەت بۇرىس» رەتىندە باعالاعان.

 “The Qazaq Times”