گەرمانيانىڭ تاجىكستانداعى ەلشىسى نايتحارت حەفەر-ۆيسسينگ ەل بيلىگىنىڭ بىرنەشە رەت گەرمانياداعى تاجىك وپپوزيتسيونەرلەرىنە قاتىستى الاڭداۋشىلىق ءبىلدىرىپ، ولاردى ەكستراديتسيالاۋدى تالاپ ەتكەنىن ايتتى.
«ءبىز تاجىكستان بيلىگىنە تاجىك وپپوزيتسيونەرلەردىڭ تاراپىنان جاسالعان قىلمىس نە زاڭسىز ءىس-ارەكەتتەرىنە بايلانىستى ناقتى دالەلدەرى بولسا، بىزگە جىبەرۋىن ايتتىق. ءبىز ولاردى تەكسەرىپ، شەشىم قاىلدايمىز. گەرمانيادا ادامنىڭ كىناسىن تەك سوت قانا انىقتايدى» - دەدى نەمىس ديپلوماتى.
گەرمانيا تاجىكستاندا تىيىم سالىنعان "يسلام قايتا ورلەۋ پارتياسىنىڭ" قولداۋشىلارى كوپتەپ تۇراقتاعان ەۋروپا ەلدەرىنىڭ ءبىرى. سونداي-اق، تاجىك بيلىگىمەن كەلىسپەگەن عالىمدار مەن جۋرناليستەر دە گەرمانيانى پانالاپ ءجۇر.
سونىمەن بىرگە، نەمىس ديپلوماتى گەرمان بيلىگىن بوسقىنداردىڭ ساياسي كوزقاراسى قىزىقتىرمايتىنىن اتاپ ءوتتى. ولار تەك جەرگىلىكتى زاڭداردى بۇزعاندا عانا جاۋاپكەرشىلىككە تارتىلادى دەدى ول.
ايتا كەتەيىك، ەۋروپا ەلدەرىنەن باسپانا ىزدەۋشىلەردىڭ سانى 2015 جىلدىڭ كۇزىنەن بەرى كوبەيە باستادى. وعان دۋشانبەدە "يسلام قايتا ورلەۋ پارتياسى" مەن "24-توبىنىڭ" تەرروريستىك ۇيىمدار دەپ جاريالانۋى سەبەپ بولدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى