اقپان ايى پەش جاعاتىن تۇرعىندار ءۇشىن قاۋىپكە اينالدى. پاۆلودار وبلىسىنىڭ باياناۋىل اۋدانىنا قاراستى ۇزىنبۇلاق اۋىلىندا تاعى ءبىر قايعىلى جاعداي ورىن الدى.
ايماقتاعى دەنساۋلىق ساقتاۋ ورىنىنىڭ حابارلاۋى بويىنشا، وقيعا 6 اقپان كۇنى كەشكى ساعات 21:00 شاماسىندا بولعان. ىستى گازدىڭ اسەرىنەن جۇكتىلىگىنە 7 اي بولعان 1980 جىلعى ازاماتشا جانە ونىڭ جۇبايىمەن بىرگە 2004,2007 جىلعى ەكى بالاسى قازا تاپتى.
سونىمەن قاتار، قازا تاپقان وتباسىنىڭ تاعى دا ەكى بالاسى ورتا ءبىلىم بەرەتىن كوللەدجدە وقيدى. قايعىلى جاعداي بولعان ۋاقىتتى ۇيلەرىندە بولماعان جەتكىنشەكتەر، قازىر باقىلاۋدا دەيدى باياناۋىل اۋداندىق اكىمشىلىگى.
ەستەرىڭىزگە سالا كەتەيىك، وسىدان ءبىراز كۇن بۇرىن استاناداعى جالدامالى پاتەردەن شىققان ءورتتىڭ سالدارىنان 5 ءبۇلدىرشىن قازا تاپقان بولاتىن. سونىمەن قاتار، قاراعاندىدا شىققان ورتتەن ءۇش ادام ىستى گازعا ۋلانىپ امان قالدى.
ساراپشىلاردىڭ سوزىنشە، مۇنىڭ بارلىعى توتەنشە جاعداي قىزمەتكەرلەرىنىڭ سالعىرتتىعىنان دەيدى. بۇدان بولەك، ۇكىمەت باسشىسى باقىتجان ساعىنتاەۆ تا اتالعان لاۋازىمدى قىزمەتتىڭ ماماندارىن جەمكورلىقپەن اينالىسۋى مۇمكىن ەكەندىگىن ايتقان بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى