فرانتسيانىڭ بۇرىنعى پرەزيدەنتى جەكە كاسىپكەرلىكپەن اينالىسپاق

21 اقپان كۇنى Accor كورپوراتسياسى حابارلاما جاريالاپ، فرانتسيانىڭ بۇرىنعى پرەزيدەنتى نيكولاس ساركوزيدىڭ (نيكوليا ساركوزي)  سول كۇننەن باستاپ، كورپوراتسيا ديرەكتورلارىنىڭ قاتارىنا قوسىلعانىن مالىمدەدى.

فرانتسيا باق-ىنىڭ حابارلاۋىنا قاراعاندا، پرەزيدەنتتىڭ ورنىنان كەتكەننەن كەيىن جەكە كاسىپكەرلىككە تارتىلۋى، فرانتسۋزدىڭ 1958 جىلى قۇرىلعان 5-ءشى رەسپۋبليكاسى تاريحىنداعى العاش بولىپ وتىر. الەم ەلدەرىندە پرەزيدەنتتىكتەن كەيىن قاراپايىم ءومىر ءسۇرۋ اقش-تىڭ تۇڭعىش پرەزيدەنتى ۋاشينگتوننان (ۆاشينگتون) باستالسا كەرەك. ول پرەزيدەنتتىكتەن كەيىن اۋىلىنا بارىپ قاراپايىم ديقان بولعان دەسەدى. وسىدان بۇرىنعى يران پرەزيدەنتى احمادينەجاد پرەزيدەنتتىكتەن كەيىن جوو-دا قاراپايىم وقىتۋشى بولىپ قىزمەت ىستەگەن. الەم ەلدەرىنە ەشكىمگە ۇقسامايتىن بولمىسىمەن تانىمال بۇل پرەزيدەنت، قازىر كۇندەلىكتى جۇمىسىنا تەك قوعامدىق كولىكپەن قاتىنايدى ەكەن.

فوتو: Daily Mail

نيكولاس ساركوزي ديرەكتور بولىپ بارعان، Accor Group 1967 جىلى قۇرىلعان، فرانتسۋزدىڭ ءىرى كومپانيالارىنىڭ ءبىرى. قوناق ءۇي، مەيرامحانالار وپەراتور جەلىسىمەن اينالىسادى. قارجى اينالىمى 2008 جىلدىڭ وزىندە 7,74 ملرد ەۋرونى قۇراعان. الەمنىڭ ءار جەرىنە ورنالاسقان  Accor Group-قا تاۋەلدى 8 ءىرى ليۋكس مەيرامحانا، قوناقۇيلەرى بار.

“The Qazaq Times”