دونالد ترامپ. فوتو: aa.com.tr

ەگەر دايش تەررورلىق ۇيىمى قايتادان قالىپتاسار بولسا، اقش اسكەرى ءسۇريا اۋماعىنا قايتادان كىرەتىن بولادى. بۇل تۋرالى دونالد ترامپ حابارلادى.

«ءسۇريا اۋماعىنا قاجەت بولسا ءبىز قايتادان ورالامىز. ءبىزدىڭ ۇشاقتار وتە جىلدام، سونىمەن قاتار ءبىزدىڭ جۇك تيەيتىك ۇشاقتارىمىز دا وتە جاقسى. بارلىعىن تەز ارادا قالىپقا كەلتىرۋىمىز عاجاپ ەمەس»، دەپ CBS News ارناسىندا مالىمدەگەن.

بۇدان بولەك اقش باسشىسىنىڭ سوزىنشە، ءسۇريا شەكاراسىنان شىعارىلعان اسكەري كۇشتەردىڭ ءبىر بولىگى اۋعانستاندا ورنالاسقان اقش اسكەري بازاسىن قالسا، قالعان ءبىر بولىگى امەريكاعا ورالماق. سەبەبى، تاياۋ شىعىس ماڭىندا ءالى دە تەررورلىق ارەكەتتەر باسىلار ەمەس.

ەستەرىڭىزگە سالا كەتەيىك، اقش پرەزيدەنتى دونالد ترامپ ءبىراز ۋاقىت بۇرىن دايش تەررورلىق ۇيىمىن تولىقتاي جەڭگەندىگى تۋرالى مالىمدەگەن. بۇل جاعداي امەريكالىق اسكەري كۇشتەردىڭ ءسۇريا اۋماعىندا بولۋىنا سەبەپكەر ەدى. الايدا، يراكپەن ءسۇريا شەكاراسىنداعى دايش اسكەرىنىڭ تەررورلىق ارەكەتتەرى، ولاردىڭ تۇپكىلىكتى جويىلىپ كەتپەگەندىگىنىڭ كۋاسى.

"The Qazaq Times"