شابۋىل جاساعان تالىپتەردىڭ جاقتاستارى قاشىپ كەتكەن. فوتو: انادولى.

اۋعانستاندا ۇكىمەت كۇشتەرىنىڭ اراسىنا جاسىرىنعان تەررورلىق توپ مۇشەلەرىنىڭ قارۋلى شابۋىلدارى تولاستار ەمەس. ءبىر كۇن بۇرىن كانداحار پروۆينتسياسىنداعى پانجاۆايم اۋدانىندا ەكى پوليتسيا قىزمەتكەرى ارىپتەستەرىنە وق جاۋدىرعان.  

پانجاۆايم اۋدانىنىڭ پوليتسيا تاراۋى جاساعان مالىمەتتە، ەكى پوليتسيا قىزمەتكەرى جۇمىس كەزىندە 4 ارىپتەسىن اتىپ ءولتىرىپ قاشىپ كەتكەن. قورعانىس كۇشتەرى وقيعانى تەررورلىق ۇيىمداردىڭ تاپسىرىسىمەن جاسالعانىن ايتادى.

بۇنداي شابۋىلدار سوڭعى جارتى جىلدا ءجيى قايتالانۋدا. ۇكىمەتكە قاراستى قارۋلى كۇشتەردىڭ قۇرامىنا كىرگەن تاليبان جاقتاستارى ءار جەردە قارۋلى شابۋىلدار جاساۋدا.

ساراپشىلاردىڭ ايتۋىنشا، ءتالىپ كۇشتەرى بۇل ارقىلى ەلدەگى ۇكىمەت پەن قارۋلى كۇشكە دەگەن سەنىمدى السىرەتۋدى كوزدەيدى. سول ارقىلى ەلدەگى باقىلاۋ ايماعىن، ىقپال كولەمىن كەڭەيتۋدى ماقسات ەتەدى.

“The Qazaq Times”