اقش ەكى سوعىس كەمەسىن تايۋان بۇعازىنا كىرگىزدى

قىتاي اۋە كۇشتەرى ەكى اسكەري ۇشاعىن تايۋان (تايۆان) وڭتۇستىگىندەگى كەڭىستىكتە ۇشىرعاننان كەيىن، اقش تەڭىز بەيسەنبى كۇنى (24 قاڭتار) كۇشتەرى بۇعان جاۋاپ رەتىندە ەكى اسكەري كەمەسىن تايۋان بۇعازىنا كىرگىزدى. بۇل اسكەري ارەكەتتەرگە باعا بەرگەن ساراپشىلار: «قىتاي تايۋانعا اسكەري قىسىمدى ارتتىردى، قىتاي مەن اقش ءوز-ارا «سيگنال» جولدادى»، – دەپ قارايدى.

بىلتىر شىلدە، قازان جانە قاراشا ايلارىندا اقش-تىڭ سوعىس كەمەلەرى تايۋان بۇعازىنا كىرگەن بولاتىن. بۇل رەت ءبىر جىل ىشىندە اقش تەڭىز كۇشتەرىنىڭ ءتورتىنشى رەت تايۋان ارالى مەن قحر اراسىنداعى بۇعازعا كىرۋى.

قۇراما شتاتتىڭ ءۇندى-تىنىق مۇحيت اسكەري قولباسشىلىق باس شتابى بۇل ارەكەتتەرىن اشىق تەڭىزدەردى، حالىقارالىق ورتاق سۋ جولدارىن قورعاۋ ەكەنىن ايتتى.

قىتايدىڭ سىرتقى ىستەر مينيسترلىگى اقش-تىڭ بۇل ارەكەتىن ايىپتاپ، ەكى ەل اراسىنداعى سەزىمتال تاقىرىپ سانالاتىن تايۋان ماسەلەسىن قوزعاپ الماۋدى قايتالاي ەسكەرتتى.

قىتاي تارابى ءوزىنىڭ وزىق سوعىس ۇشاقتارىن تايۋان كەڭىستىگىنە جىبەرۋ ارقىلى تايبەي بيلىگىنىڭ اسكەري قىسىمدى كۇشەيتتى. ال، اقش ءوز كەمەلەرى ارقىلى «قىتايدىڭ اسكەري اگرەسسياسى جاۋاپسىز قالمايدى» دەگەن سىڭاي تانىتتى. بەيجىڭنىڭ تايۋانعا اسكەري قىسىم جاساۋى بۇعان دەيىن دە بىرنەشە رەت بولعان. الايدا، ۋاشينگتون تايۋاندى قولدايتىنىن اڭعارتىپ كەلەدى.

“The Qazaq Times”