گانادا ۆۆس تەلەارناسىمەن بايلانىستا بولعان جۋرناليست قازا تاپتى

گانادا جەرگىلىكتى فۋتبول فەدەراتسياسى مەن ىشكى چەمپيوناتتاعى جەمقورلىققا تەكسەرۋ جۇرگىزگەن جۋرناليست احمەت حۇسەين-سۋالەنى بەلگىسىز بىرەۋلەر موتوتسيكل كولىگىمەن كەلىپ اتىپ كەتكەن. بۇل تۋرالى BBC حابارلاپ وتىر.

وتكەن جىلدىڭ جاز ايىندا ۆۆس Africa Eye كومپانياسى گانا فۋتبول فەدەراتسياسىنىڭ پرەزيدەنتى جەمقورلىققا قاتىسى بار دەگەن دەرەكتى ءفيلمدى كورەرمەن نازارىنا ۇسىنعان بولاتىن. كۆەسي نايانتاكي مەن فەدەراتسياداعى بىرنەشە شەنەۋنىك جانە تورەشىلەردىڭ دە ەسىمدەرى اتالعان فيلمدە جاريا بولعان. احمەت حۇسەين دە بۇل جوباعا مۇرىندىق بولىپ، بارلىق تەكسەرۋلەردىڭ ءساتتى وتۋىنە تىكەلەي ارالاسقان. وسىدان كەيىن نايانتاكي ءومىر بويعى لاۋازىمىنان ايىرىلىپ، گانانىڭ ۇلتتىق فۋتبول فەدەراتسياسى تاراپ كەتكەن.

وسىدان ءسال ەرتەرەكتە، گانا پارلامەنتىنىڭ مۇشەسى كەننەدي اگياپونگ حۇسەيننىڭ سۋرەتىن جاريالىپ، ونىمەن  كۇرەسۋگە شاقىرعان.

ەندى اتالعان ىسكە كىمنىڭ قاتىسى بار ەكەندىگى انىقتالۋ ۇستىندە. حالىقارالىق ساراپشىلاردىڭ ويىنشا، جەمقورلىققا تەكسەرۋ جۇرگىزگەن ءجۋرناليستتىڭ ءولىمى ارنايى تاپسىرىسپەن بولۋى ابدەن مۇمكىن.