بىشكەكتە «Super Info» گازەتىنىڭ جانە «Super.kg» اقپاراتتىق پورتالىنىڭ جۋرناليستەرى «مەن پوليتسيانىڭ زورلىق-زومبىلىعىنا قارسىمىن» دەگەن پلاكاتتارمەن ميتينگكە شىعىپ، قالالىق پوليتسيا بولىمىنە باردى.
ولار كەشە الا-توو الاڭىنداعى نارازىلىق اكتسياسى كەزىندە ۇستالعان ارىپتەستەرىنە قولداۋ كورسەتۋ ماقساتىندا وسىنداي ارەكەتكە بارىپ وتىر.
ء"بىز جۋرناليستەردى ميتينگتە ۇستاۋ كاسىبي مىندەتتەرىن ورىنداۋعا كەدەرگى دەپ بىلەمىز. پوليتسيا ارىپتەستەرىمىزدىڭ قۇقىقتارىن زاڭسىز شەكتەدى ", - دەدى Super.kg پورتالىنىڭ ديرەكتورى باقتىگۇل سوكۋشەۆا.
ايتا كەتەيىك، كەشە ەلوردانىڭ ورتالىق الاڭىندا قىتايلىق ەكسپانسياعا قارسى نارازىلىق اكتسياسى ءوتتى. ەرەۋىلگە شىققاندار بىرنەشە تالاپ قويدى، اتاپ ايتقاندا، حالىقتى باقىلاۋدى جۇزەگە اسىرۋ، قىتايلىق ازاماتتار ءۇشىن ۆيزانىڭ سانىن قىسقارتۋ، قىتايدان الىنعان نەسيەلەردى تەكسەرۋ جانە قانشالىقتى ءتيىمدى ەكەنىن انىقتاپ، ءتيىمسىز بولعان جاعدايدا ارنايى كوميسسيا قۇرىپ، اقشانىڭ قايدا كەتكەنىن ناقتىلاۋ. سونداي -اق، ولار قىرعىز قىزدارىنىڭ شەتەلدىككە تۇرمىسقا شىعۋىنا تىيىم سالۋدى دا تالاپ ەتتى. تۇرمىس قۇرعان جاعدايدا، ەرلى-زايىپتىلار ايىپپۇل تولەۋى ءتيىس دەگەندى العا تارتتى. سونىمەن بىرگە، پاسپورتتاعى "ۇلتى" دەگەن باعاندى قايتارۋدى تالاپ ەتكەن ەدى. پوليتسيا ميتينگكە شىققان حالىقتى تاراتۋ كەزىندە ەكى تەلەارنانىڭ قىزمەتكەرلەرىن ۇستاپ اكەتكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟